ភ្នំពេញ៖នៅថ្ងៃពុធ ៨ រោច ខែអាសាឍ ឆ្នាំកុរឯកស័ក ពុទ្ធសករាជ ២៥៦៣ត្រូវនឹងថ្ងៃទី២៤ ខែកក្កដា ឆ្នាំ២០១៩នេះ ក្រោមការចង្អុលបង្ហាញរបស់លោក ហែម ដារិទ្ធអភិបាលខណ្ឌពោធិ៍សែនជ័យ លោក វ៉ា សាវឿន ចៅសង្កាត់ចោមចៅទី៣ បានដឹកនាំកំលាំងចុះធ្វេីអនាម័យសំអាតសំរាមក្នុងប្រឡាយតាមបណ្តោយផ្លូវជាតិលេខ៤ ដែលហូរមកកកស្ទះនៅចំណុចទីតាំងមុខធនាគារABA ជិតរង្វង់មូលចោមចៅ។
ក្នុងរយៈពេលប៉ុន្មានឆ្នាំចុងក្រោយនេះឃើញថានៅក្នុងខណ្ឌពោធិ៍សែនជ័យ ការដឹកនាំរបស់លោក ហែម ដារិទ្ធអភិបាលខណ្ឌពោធិ៍សែនជ័យ រីកចម្រើនយ៉ាងខ្លាំង ក្លា ជាពិសេសប្រព័ន្ធលូ ប្រព័ន្ធទឹក ប្រព័ន្ធភ្លើង បរិស្ថាន នៅក្នុងមូលដ្ឋានខណ្ឌពោធិ៍សែនជ័យគឺមានការរៀបចំបានល្អនេះហេីយសរបញ្ចាក់អោយឃេីញថាការខិតខំប្រឹងប្រែងដោយមិនខ្លាចនឿយហត់របស់លោកអភិបាលធ្វេីអោយប្រជនទាំងមូលរស់នៅក្នុងខណ្ឌពោធិ៍សែនកោតសរសេីរនិងគោរពស្រឡាញ់។
កន្លងមកតំបន់ដែលមានការលិចទឹក និងតំបន់ដែលមានភក់ជ្រាំ សំរាម លោក ហែម ដារិទ្ធ អភិបាលនៃគណៈអភិបាលខណ្ឌ តែងតែដឹកនាំនិងចង្អុលបង្ហាញ ឱ្យលោក ចៅសង្កាត់គ្រប់សង្កាត់ចុះស្ដាសំរាមចុះធ្វើរបាយការណ៍ឲ្យបានច្បាស់លាស់ដាក់ផែនការឲ្យបានច្បាស់លាស់និងដឹកនាំកម្លាំងចុះស្ដាចុះបាតប្រឡាយ ដើម្បីសម្អាតនៅក្នុងមូលដ្ឋាន៕
