ខេត្តកណ្ដាល៖មានករណីគ្រោះថ្នាក់ចរាចរណ៍ រវាង រថយន្តនឹង រថយន្ត បណ្តាលអោយបុរសម្នាក់រងរបួសធ្ងន់ហេតុការណ៍នេះបានកើតឡើងនៅថ្ងៃ ព្រហស្បតិ៍ ៩រោច ខែ អាសាឍ ឆ្នាំកុរ ឯកស័ក ព.ស២៥៦៣ ត្រូវនិងថ្ងៃទី ២៥ខែកក្កដាឆ្នាំ២០១៩នៅ វេលាម៉ោង ០៣និង១០ នាទី ទៀបភ្លឺនៅចំនុចលើផ្លូវជាតិ លេខ១ ក្នុងចន្លោះគីឡូម៉ែត្រលេខ ២១-២២នៅភូមិ ចិនកោះ ឃុំគគីរ ស្រុកកៀនស្វាយ ខេត្ត កណ្តាល។
បើតាមប្រភពពីកម្លាំងសម្ថតកិច្ចបានឲដឹងថា
មានរថយន្ត ០១គ្រឿង ម៉ាកក្រេនតូប្រភេទសណ្តោង ក្បាលពណ៌ខៀវខ្ចី ពាក់ស្លាកលេខ ភ្នំពេញ 3C.9202 ទ្រុងពណ៌ក្រហម ពាក់ស្លាកលេខ ព្រះសីហនុ 4A.0796 បេីកបរដោយ ឈ្មោះ ភេន សុភ័ក្រ ភេទប្រុស អាយុ ២៦ ឆ្នាំ មានទីលំនៅភូមិ ព្នៅ ឃុំព្រៃឈរ ស្រុកកំពង់ត្របែក ខេត្តព្រៃវែង បេីកបរក្នុងទិសដៅពីលិចទៅកើតលុះមកដល់ចំណុចកន្លែងកើតហេតុបានបុកជាមួយ រថយន្ត ០១គ្រឿង ម៉ាក យុីយ៉ាន់ដាយ ប្រភេទសណ្តោង ពណ៌ស ពាក់ស្លាកលេខ ភ្នំពេញ 3D.5577 បើកបរដោយ ឈ្មោះ នៅ សុភ័ក្រ្ត ភេទប្រុស អាយុ ២១ ឆ្នាំ មានទីលំនៅ ភូមិភូមិធំ ឃុំភូមិធំ ស្រុកកៀនស្វាយ ខេត្តកណ្តាល ដែលបើកក្នុងទិសដៅពីកើតទៅកើត។
ក្រោយពេលកើតហេតុកម្លាំងសម្ថតកិច្ចបានមកដល់កន្លែងកើតហេតុឃើញអ្នកបើកបររងរបួសធ្ងន់ម្នាក់បានឲ្យរថយន្តសាម៉ុយដឹកយកទៅមន្ទីពេទ្យភ្នំពេញ ។
ចំណែករថយន្ដទាំង០២គ្រឿងត្រូវបានសមត្ថកិច្ចនាំយកទៅរក្សាទុកនៅអធិការដ្ឋាននគរបាលស្រុកកៀនស្វាយរងចាំអោយភាគីទាំងសងខាងចូលដោះគ្នានៅពេលក្រោយ៕
