ខេត្តកណ្ដាល៖ មានករណីគ្រោះថ្នាក់ចរាចរណ៍ រវាង រថយន្តនឹង រថយន្ត បណ្តាលអោយខូចខាតយ៉ាងដំណំ រថយន្ត ០២ គ្រឿង ហើយនិងយ៉ាបផ្ទះ១ខ្នង គ្មានរងរបួសដល់មនុស្សឡើយ។
ហេតុការណ៍នេះបានកើតឡើងនៅថ្ងៃ អាទិត្យ ១២រោច ខែ អាសាឍ ឆ្នាំកុរ ឯកស័ក ព.ស២៥៦៣ ត្រូវនិងថ្ងៃទី ២៨ខែកក្កដាឆ្នាំ២០១៩ វេលាម៉ោង ០១និង៤៥ នាទីរំលងអាធ្រាត នៅចំនុចលើផ្លូវជាតិ លេខ១ ក្នុងចន្លោះគីឡូម៉ែត្រលេខ ១៩-២០ភូមិ គគីរ ឃុំគគីរ ស្រុកកៀនស្វាយ ខេត្ត កណ្តាល។
បើតាមប្រភពពីសមត្ថកិច្ចបានឲ្យដឹងថា មានរថយន្ត០១គ្រឿង ម៉ាក LEXUS RX300 ព៌ណ ទឹកមាស ប្រភេទ ទេសចរណ៍ ពាក់ផ្លាកលេខ ភ្នំពេញ 2F- 3923 បើកបរដោយជនមិនស្គាល់អត្តសញ្ញាណ បើកពីអ្នកលឿងទៅភ្នំពេញ តាមផ្លូវជាតិលេខ១ លុះមកដល់ចំណុកកន្លែងកើតហេតុខាងលើ បានបុកជាមួយរថយន្ត ០១គ្រឿងទៀត ម៉ាកSTERLING ពណ៌ស ប្រភេទសណ្តោង ពាក់ផ្លាកលេខ ភ្នំពេញ 3D.6057 សណ្តោងសឺមីរ៉ឺម៉កពាក់ផ្លាកលេខ ភ្នំពេញ4A- 1517 បើកបរដោយជនមិនស្គាល់អត្តសញ្ញាណដែលបើកមានទិសដៅផ្ទុយគ្នា បណ្តាលអោយខូចធ្ងន់ រថយន្តទាំង ០២គ្រឿង ។
ក្រោយពេលកើតហេតុសម្ថតកិច្ចចុះមកវាស់វែងរួច បានយករថយន្តទាំងពីរគ្រឿងយកទៅរក្សាទុក នៅអធិការដ្នាននគរបាលស្រុកកៀនស្វាយរង់ចាំអោយភាគីទាំងសងខាងចូលមកដោះស្រាយគ្នានៅពេលក្រោយ៕
