ភ្នំពេញ៖ យុវជនម្នាក់បានស្លាប់យ៉ាងអានោចអាធម៌នៅកន្លែងកេីតហេតុនិងម្នាក់ទៀតរងរបួសធ្ងន់ត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗខណះជិះម៉ូតូមួយគ្រឿងឌុបគ្នាតាមដងផ្លូវត្រូវរថយន្តដឹកដែកធន់ធំបុកពីក្រោយនិងកិន កាលពីវេលាម៉ោង៩និង៣០នាទីយប់ថ្ងៃទី២៩ខែកក្កដាឆ្នាំ២០១៩ នៅមិខវត្តព្រៃស្ពឺ លេីកំណាត់ផ្លូវជាតិលេខ៣ សង្កាត់ចោមចៅទី២ ខណ្ឌពោធិ៍សែនជ័យ។
តាមសាក្សីនៅកន្លែងកេីតហេតុបានឲ្យដឹងថាមុនពេលកេីតហេតុគេឃេីញយុវជន២នាក់ជិះម៉ូតូម៉ាក សុយសាគី លេត ពណ៍សពាក់ស្លាកលេខភ្នំពេញ1FA- 3875 ធ្វេីដំណេីរតាមបណ្តោយផ្លូវជាតិលេខ៣ក្នុងទិសដៅពីជេីងទៅត្បូងខណះមកដល់ចំណុចកេីតហេតុស្រាប់តែមានរថយន្តម៉ាកហ៊ីយ៉ាន់ដាយ ពណ៍ស ពាក់ស្លាកលេខភ្នំពេញ3C- 5352 ដឹកដែកថ្នាំងអំពៅ ធ្វេីដំណេីរមកពីក្រោយបុកនិងកិនបណ្តាលអោយបុរសម្នាក់ស្លាប់នឹងម្នាក់ទៀតរបួសធ្ងន់ម្នាក់ចំណែកម៉ូតូរងការខូចខាតស្ទេីទាំងស្រុង។
ក្រោយកេីតហេតុជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗចំណែករថយន្តនិងម៉ូតូត្រូវបានសមត្ថកិច្ចមូលដ្ឋានសហការជាមួយជំនាញធ្វេីការវាស់វែងយកទៅរក្សាទុកនៅការិយាល័យចរាចរណ៍ជេីងគោករាជធានីភ្នំពេញរងចាំដោះស្រាយតាមច្បាប់។
ដោយឡែកសពត្រូវបានប្រគល់ទៅក្រុមគ្រួសារយកទៅធ្វេីបុណ្យតាមប្រពៃណីនៅស្រុកកំណេីត៕
