ភ្នំពេញ៖លោកឧត្តមសេនីយ៍ឯក ស ថេត អគ្គស្នងការរង នគបាលជាតិ និងជាស្នងការនគរបាលរាជធានីភ្នំពេញ បានចេញបទបញ្ជាដល់កងកម្លាំងនគរបាលទាំង១៤ខណ្ឌ ក្នុងរាជធានីភ្នំពេញ ត្រូវពង្រឹងច្បាប់ចរាចរណ៍ដោយមុឺងម៉ាត់បំផុត។
លោក ស ថេត បានបញ្ជាក់ថា ចាប់ពីថ្ងៃច័ន្ទ ទី២២ ខែកក្កដា ឆ្នាំ២០១៩នេះ យុទ្ធនាការរឹតបណ្ដឹង ច្បាប់ចរាចរណ៍ផ្លូវគោក នឹងត្រូវចាប់ផ្ដើម នៅតាមបណ្ដាគោលដៅនានា ក្នុងរាជធានីភ្នំពេញ ជាពិសេសរឹតបណ្ដឹង ចំពោះអ្នកបើកបរម៉ូតូ និងអ្នករួមដំណើរ ដែលមិនពាក់មួកសុវត្ថិភាព។
អ្នកជិះម៉ូតូ ដែលមិនពាក់មួកសុវត្ថិភាព ត្រូវឃាត់ ហើយតម្រូវឲ្យរកមួកសុវត្ថិភាពមកពាក់ ទើបអនុញ្ញាតឲ្យបន្តដំណើរទៅមុខទៀត។
នៅវេលាម៉ោង០៨យប់ ថ្ងៃចន្ទ ទី២៩ ខែកក្កដា ឆ្នាំ២០១៩ លោកវីរៈសេនីយ៍ឯកហ៊ូរម៉េងវ៉ាងអធិការនគរបាលខណ្ឌសែនសុខបានដឹកនាំកម្លាំងក្រោមឱវាទចុះដាក់គោលដៅ នៅចំណុចក្បែរ
សាលាបឋមសិក្សាភ្នំពេញថ្មី
តាមបណ្តោយផ្លូវភ្នំពេញហាណូយផ្លូវលេខ១០១៩ស្ថិតក្នុងសង្កាត់ភ្នំពេញថ្មីខណ្ឌសែនសុខក្នុងរាជធានីភ្នំពេញដេីម្បីត្រួតពិនិត្យរឹតបណ្តឹងច្បាប់ចរាចរណ៍ក្រោមការបញ្ជាពីលោកឧត្តមសេនីយ៍ឯក ស ថេត អគ្គស្នងការរង នគបាលជាតិ និងជាស្នងការនគរបាលរាជធានីភ្នំពេញ។
ក្នុងនោះផងដែរនិងធ្វេីការឃាត់ម៉ូតូជាច្រើនគ្រឿងមិនអោយបន្តដំណេីរទៅមុខទៀតឡេីយប្រសិនបេីបងប្អូនមិនពាក់មួកសុវត្ថិភាព ទាំងអ្នកបេីក និងអ្នករួមដំណេីរត្រូវពាក់មួកសុវត្ថិភាព រហូតទាល់តែទៅយកមួកសុវត្ថិភាពមកពាក់ ទេីបអនុញ្ញាតិអោយទៅបាន សូមបញ្ជាក់ក្នុងរយ:ពេលមួយខែនៃការផ្សព្វផ្សាយ និងណែនាំនេះគឺពុំមានការផាកពិន័យឡេីយ ៕
