ភ្នំពេញ៖កម្លាំងនគរបាលប៉ុស្តិ៍រដ្ឋបាលទឹកថ្លា បានធ្វើការឃាត់ខ្លួនជនសង្ស័យម្នាក់ ករណីប៉ុនប៉ងឃាតកម្មប្តីប្រើអាវុធខ្លីបាញ់ប្រពន្ធ នៅចំណុចតាមផ្លូវលំ ភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ ប្រដាប់ដោយអាវុធខ្លី០១ដើម ម៉ាកK៥៩នៅថ្ងៃទី០៧ខែសីហាឆ្នាំ២០១៩ វេលាម៉ោង ២៣ និង៤០នាទីយប់ ។
ប្រភពពីសមត្ថកិច្ចបានអោយដឹងថាជនសង្ស័យមាន ឈ្មោះ ឆោម ចំណាន ភេទប្រុស អាយុ៣៩ឆ្នាំ ជនជាតិខ្មែរ មុខរបរយោធា(ខរមរៈភូមិន្ទភូមិភាគ) ស្នាក់នៅភូមិសាលាដែង ឃុំឬស្សីក្រោក ស្រុកមង្គល់បូរី ខេតបាត់ដំបង (គ្មានសារធាតុញៀន) ។
រីឯជនរងគ្រោះ ឈ្មោះ ជា បតី (ជា គឹមឡាង) ភេទស្រី អាយុ៣៥ឆ្នាំ ជនជាតិខ្មែរ មុខរបរលក់ខោអាវនៅផ្សារចិនណាន់ ស្នាក់នៅផ្ទះគ្មានលេខ ផ្លូវបេតុង ភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ(របួសដើមដៃខាងឆ្វេង , ពោះទឹកខាងឆ្វេង , លើស្មាខាងស្តាំ , លើពោះទឹកខាងស្តាំ ) ។
សម្ភារៈបាត់បង់ ៖ គ្មាន។
សម្ភារៈបន្សល់ទុករួមមាន អាវុធខ្លី០១ដើម ម៉ាកK59 លេខ២៤០៣ , សំបកគ្រាប់០៧គ្រាប់ , ក្បាលគ្រាប់០១គ្រាប់ ។
ប្រភពដដែលបានបន្ដថា មុនពេលកើតហេតុ ជនសង្ស័យ(ជាប្តី) បានទូរសព្ទ័ហៅជនរងគ្រោះ(ជាប្រពន្ធ) មកជួបខ្លួន នៅចំណុចកើតហេតុខាងលើ ពេលជនរងគ្រោះមកដល់ ជនសង្ស័យបានដើរទៅរថយន្តរបស់ខ្លួនយកកាំភ្លើងខ្លីK59 ពីក្នុងរថយន្តអាមេបញ្ចូលគ្រាប់ បាញ់សំដៅទៅលលើជនរងគ្រោះចំនួន ០៧គ្រាប់ តែត្រូវជនជរងចំនួន០៤គ្រាប់ បណ្តាលឲ្យរងរបួសធ្ងន់ ហើយត្រូវបានបញ្ជូនព្យាបាលនៅមន្ទីរពេទ្យកាល់ឡឺម៉ែត បន្ទាប់ជនសង្ស័យបានឡើងបើករថយន្តគេចខ្លួន តែត្រូវកម្លាំងល្បាតរបស់អធិការដ្ឋាននគរបាលខណ្ឌសែនសុខឃើញហេតុការណ៍ ធ្វើការដេញតាមចាប់បានជនសង្ស័យ យកមកធ្វើការសាកសួរនៅអធិការដ្ឋាននគរបាលខណ្ឌសែនសុខ ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
