ភ្នំពេញ៖ ហេតុការណ៍ភ្ញាក់ផ្អេីលមួយបានកេីតឡេីង បន្ទាប់ពីមានលឺស្នូផ្ទុះគ្រាប់បានបន្លឺឡេីងយ៉ាងខ្លាំង ទាំងកណ្តាលរាត្រីសង្ស័យករណីបំផ្ទុះគ្រាប់បែកបណ្តាលអោយរថយន្តហាឡែនឌ័រ មួយគ្រឿង ពណ៌ស្ក ពាក់ស្លាកលេខភ្នំពេញ 2N-6597 រងការខូចខាតមួយចំហៀងខាងឆ្វេង និងជញ្ជាំងខុនដូរដែលនៅក្បែរនោះក៏រងការខូចខាតដូចគ្នា។
ហេតុការណ៍បង្កការភ្ញាក់ផ្អេីលនេះបានកេីតនៅពីម៉ោង២និង៣០នាទីរំលងអាធ្រាត្រឈានចូលថ្ងៃទី៨ខែសីហាឆ្នាំ២០១៩ នៅមុខខុនដូនលេខ6 នឹង ខុនដូរលេខខ9 ផ្លូវលេខ៣១២ ភូមិ5 ក្រុម២៨ ស្ថិតក្នុងសង្កាត់ទន្លេបាសាក់ខណ្ឌចំការមន។
តាមប្រភពពត៌មានពី សន្តិសុខដែលយាមនៅខុនដូរក្បែរកន្លែងកេីតហេតុបានឲ្យដឹងថា មុនពេលកេីតហេតុ qqqqគឺរូបគាត់កំពុងដេកយាម លង់លក់ជាប់ច្រកទ្វាខុនដូរខាងក្នុងរបង លុះដល់ម៉ោងកេីតហេតុស្រាប់តែមានលឺសម្លេងផ្ទុះគ្រាប់នៅលេីផ្លូវមុខនិងខុន លាន់ស្នូរដូចរន្ទះភ្លាមៗគាត់ភ្ញាក់ព្រើតស្មានតែផ្ទុះកង់ឡាន ពេលនោះគាត់ចេញមកមេីលឃេីញមានតែផ្សែងនឹងភ្លេីងកំពុងឆេះនៅលេីផ្លូវ ក៏រាយការណ៍ប្រាប់សមត្ថកិច្ចភ្លាមៗ។
ក្នុងករណីនេះដែល បន្ទាប់ពីទទួលពត៌មានកម្លាំងជំនាញបានចុះមកដល់កន្លែងកើតហេតុភ្លាមៗ បន្ទាប់ពីធ្វើកោសល្យវិច័យនៅកន្លែងកើតហេតុរកឃើញមាន អំបែងគ្រាប់ ក៏ដាក់ការសន្និដ្ឋានថា ជាករណីបំផ្ទុះគ្រាប់បែក ។
បន្ទាប់ពីកើតហេតុ សមត្ថកិច្ចកិច្ចដែលពាក់ព័ន្ធ មិនកំណត់បានថាជាហេតុការណ៍អ្វីអោយប្រាកដនៅឡេីយទេ កំពុងស្រាវជ្រាវយ៉ាងល្អិតល្អន់ កំណត់រកមុខសញ្ញាជនបង្ក មកចាត់ការតាមនិតិវិធី៕
