ខេត្តឧត្តរមានជ័យ៖ ដោយសាជីវភាពខ្វះខាតប្តីប្រពន្ធពីរនាក់ បានសម្រេចចាកចេញពីស្រុកកំណើតទៅធ្វើជាកម្មករសំណង់នៅខេត្តព្រះសីហនុ ដោយផ្ញើកូនទុកអោយជីដូនជាស្ត្រីមេម៉ាយមើលថែ តែអកុសលត្រូវលង់ទឹកស្រះស្លាប់គួអោយសង្វេគ។
ហេតុការណ៍នេះ បានកើតឡើងនៅចំណុចស្រះទឹកខាងក្រោយផ្ទះកុមារីរងគ្រោះ ស្ថិតភូមិពពេលឃុំផ្អាវ ស្រុកត្រពាំងប្រាសាទ។
បើតាមឈ្មោះខឿន បានរៀបរាប់ថាកុមារីរងគ្រោះខាងលើ ត្រូវជាចៅរបស់គាត់មានឈ្មោះ ខាំ ភារំ អាយុ៨ឆ្នាំ មុនពេលកើតហេតុនៅទី៧ខែសីហា ឆ្នាំ២០១៩ នាងបានទៅដងទឹកស្រះនៅខាងក្រោយផ្ទះ ដើម្បីគក់ខោអាវ រហូតដល់ម៉ោង៥ល្ងាច ថ្ងៃខែឆ្នាំដ៏ដែល អត់ឃើញចៅស្រីត្រឡប់មកវិញ កើតការសង្ស័យចុះទៅរាវក្នុងទឹកស្រះក៏ឃើញចៅលង់ទឹកស្លាប់ទៅហើយ។
ក្រោយពីធ្វើកោសល្យវិច្ច័យពីសមត្ថកិច្ចជំនាញបានអោយដឹងថាកុមារីរងគ្រោះខាងលើពិតជាលង់ទឹកស្លាប់មែន និងប្រគល់សពទៅគ្រួសារធ្វើបុណ្យតាមប្រពៃណី៕ ដោយ៖សុផានុរស្ស
