ខេត្តកំពង់ធំ៖ ឯកឧត្តម ឧត្ដមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរៈភូមិន្ទ មេបញ្ជាការកងទ័ពជើងគោក អគ្គលេខាធិការរង សមាគមអតីតយុទ្ធជនកម្ពុជា ក្រោយពីបានមើលឃើញសកម្ម ភាពដ៏មមាញឹក របស់សមាគមអតីយុទ្ធជនកម្ពុជា ខេត្តកំពង់ធំ ដែលដឹកនាំការងារមនុស្សធម៌ ដូចភ្លៀងរលឹម របស់ ឯកឧត្តម ឧត្តមសេនីយ៍ទោសោម ស៊ុន ក៏បានឧបត្ថម្ភ អង្ករ៣,០០០គ.ក មីម៉ាម៉ា២០០កេស ដើម្បីបន្ត ការងារបំរើអតីតយុទ្ធជន និងប្រជាពលរដ្ឋ នៅតាមមូលដ្ឋាន ក្នុងខេត្តកំពង់ធំ។
អង្ករ៣,០០០គ.ក មីម៉ាម៉ា២០០កេស ដែលឧបត្ថម្ភពី ឯកឧត្តម ឧត្ដមសេនីយ៍ឯក ហ៊ុន ម៉ាណែត ត្រូវបានប្រគល់ ជូន ឯកឧត្តម ឧត្តមសេនីយ៍ទោសោម ស៊ុន មេបញ្ជាការដ្ឋានតំបន់ប្រតិបត្តិការសឹករងកំពង់ធំ ប្រធានសមាគមអតីតយុទ្ធជនកម្ពុជា ខេត្តកំពង់ធំ នាព្រឹកថ្ងៃទី ១០ ខែសីហាឆ្នាំ២០១៩ សម្រាប់បន្តធ្វើសកម្មភាព បំរើវិស័យមនុស្សធម៌ ដល់អតីតយុទ្ធជន និង ប្រជាពលរដ្ឋ ដែលមានជីវភាពខ្វះខាត ជួបការលំបាក ។
ឯកឧត្តម ឧត្តមសេនីយ៍ទោសោម ស៊ុន បានថ្លែងអំណរគុណ ឧត្ដមសេនីយ៍ឯក ហ៊ុន ម៉ាណែត អគ្គលេខាធិការរង សមាគមអតីតយុទ្ធជនកម្ពុជា ដែលកន្លងមកនេះ បានចូលរួមយ៉ាងសកម្មភាព ក្នុងការងារមនុស្សធម៌ទៅលើអតីតយុទ្ធជន ដែលតែងតែផ្តល់នូវ សម្ភារៈ ស្បៀងអាហារ គ្រឿងឧបភោគ បរិភោគ និងសូមសម្តែងការគោរពថ្លែងអំណរគុណ ដ៍ជ្រាលជ្រៅជាទីបំផុត ចំពោះឯកឧត្តម ព្រមទាំងលោកជំទាវ និងក្រុមគ្រួសារ សូមបានជួបប្រទះ តែនិងពុទ្ធពរទាំងបួនប្រការគឺ អាយុវណ្ណៈសុខះនិងពលះ កុំបីឃ្លៀងឃ្លាតឡើយ ។
សកម្មភាពមនុស្សធម៌ ដ៏មមាញឹករបស់ ឯកឧត្ដម ឧត្ដមសេនីយ៍ទោ សោម ស៊ុន ប្រធានសមាគមអតីត យុទ្ធជនកម្ពុជា ខេត្តកំពង់ធំ ដែលតែងតែចុះសិក្សាស្វែងយល់ ទុក្ខលំបាករបស់អតីតយុទ្ធជន ដែលមាន ជីវភាពខ្វះខាត នៅគ្រប់ទិសទីនៅខេត្តកំពង់ធំ ត្រូវបានកោតសរសើរ ពីសំណាក់ ឯកឧត្ដម ឧត្ដមសេនីយ៍ ឯក ហ៊ុន ម៉ាណែត អគ្គ មេបញ្ជាការរង មេបញ្ជាការកងទ័ពជើងគោក អគ្គលេខាធិការរងសមាគមអតីតយុទ្ធ ជនកម្ពុជា រួមទាំងមន្រ្តីរាជការអាជ្ញាធរ ថ្នាក់ដឹកនាំគ្រប់លំដាប់ថ្នាក់ រួមទាំងបានគាំទ្រក្នុងសកម្មភាព បំរើអតីតយុទ្ធជន និង ប្រជាពលរដ្ឋ ដែលជួបនិងការលំបាក៕
ដោយ៖ ប៊ុន រដ្ឋា
