ភ្នំពេញ៖ អាជ្ញាធរ ខណ្ឌសែនសុខ និងសង្កាត់ភ្នំពេញថ្មី បន្តចុះរៀបចំសណ្តាប់ធ្នាប់ របៀបរៀបរយ និងអនាម័យ បណ្តោយផ្លូវលេខ១៩៨៦ស្ថិតក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ដោយបានកាត់ស្លាកយីហោ និងស្លាកផ្សាយពាណិជ្ជកម្មជាច្រើន បន្ទាប់ពីមិនអនុវត្តតាមការជូនដំណឹងណែនាំអោយរុះរើចេញពីចិញ្ចើមផ្លូវសាធារណៈ និងការបញ្ឈប់ការដាក់លក់ទំនិញ សម្ភាររំលោភលើដីចំណីផ្លូវសាធារណៈ ជាច្រើនលើកផងដែរ ។
ជាមួយនេះ រដ្ឋបាលខណ្ឌសែនសុខ សូមបន្តអំពាវដល់បងប្អូនប្រជាពលរដ្ឋដែលររស់នៅក្នុងមូលដ្ឋានខណ្ឌទាំងអស់ មេត្តាចូលរួមសហការជាមួយអាជ្ញាធរក្នុងការថែរក្សាសណ្តាប់ធ្នាប់ របៀបរៀបរយ អនាម័យ និងបរិស្ថានអោយបានល្អស្អាត ដើម្បីសោភ័ណ្ឌភាពក្នុងរាជធានីភ្នំពេញរបស់យើង ។
