ខេត្តកំពង់ស្ពឺ៖លោក សន សឹម អាយុជាង៣០ឆ្នាំដែលគេស្គាល់ច្បាស់ថាជាជំទប់ទី១ឃុំត្រពាំងជោ ត្រូវបាននារីម្នាក់ដែលបំរើការងារនៅក្នុងខារាអូយកន្លែងដាក់ពាក្យបណ្តឹងទៅនគរបាលប៉ុស្តិឃុំអមលាំងដើម្បីជួយរកយុត្តិធម៌អោយនាងខណៈដែលលោកជំទប់ឃុំទី១រូបនោះនិងបក្សពួកបានចូលទៅផឹកស៊ីហើយបង្កហិង្សាទៀតអាងខ្លួនជាអ្នកមានអំណាចនោះ។
បើតាមការអោយដឹងពីនារីរងគ្រោះ អាយុ២៧ឆ្នាំ បំរើការងារនៅក្នុងខារាអូខេយីហោ( អូរពន្លៅហេងហេង )មានទីតាំងស្ថិតនៅតាមបណ្តោយផ្លូវជាតិលេខ៤៤ក្នុងភូមិអូរដង្គុំ ឃុំអមលាំង ស្រុកថ្ពង ខេត្តកំពង់ស្ពឺ បាននិយាយអោយដឹងថា នៅអំឡុងម៉ោងជាង០៧យប់ មានភ្ញៀវចំនួន៤នាក់(ក្នុងនោះមានឈ្មោះ សន សឹម ជនដៃដល់ផងដែរ)ដោយជិះរថយន្តមួយគ្រឿងម៉ាកឡិចស៊ីស៤៥០ ពណ៌សពាក់ស្លាកលេខភ្នំពេញ2AM.1069ដែលជារថយន្តរបស់លោកសន សឹម និងមិត្តភក្តិ៣នាក់ទៀតបានចូលទៅផឹកស៊ីនៅក្នុងហាងខារាអូខេខាងលើ បន្ទប់លេខ៧ ពេលទៅដល់ក៏បានហៅស្រាបៀរមកផឹកក្នុងមួយឈុតតម្លៃ២៦ម៉ឺនរៀល ហើយបានហៅនារីៗចំនួន៤នាក់អង្គុយកំដរ ដើម្បីបង្កើនការសប្បាយ ការហូបចុកច្រៀងរាំបន្តរហូតដល់ម៉ោងប្រហែល០៨និង៣០នាទីយប់ដដែល ហើយអស់ស្រាបៀរ នារីជាជនរងគ្រោះក៏បានសួរនាំទៅកាន់ភ្ញៀវថា(បុរសជាជនដៃដល់ ជំទប់ទី១)ថាបងថែមស្រាបៀរទៀតទេ ដោយឃើញស្រាបៀរអស់ម្តងជាពីរដង ស្រាប់តែលោក សន សឹម បានស្ទុះទៅទះកំភ្លៀងនារីរងគ្រោះខាងលើដែលកំពុងតែអង្គុយកំដរមិត្តភក្តិរបស់គេនោះ ហើយក៏មានការភ្ញាក់ផ្អើលតែម្តង ភ្លាមៗនោះលោកជំទប់ទី១ ឃុំត្រពាំងជោរូបនោះបានហៅអោយគិតលុយអស់ចំនួន២៦ម៉ឺនហើយបានឡើងជិះរថយន្តខាងលើគេចខ្លួនបាត់ស្រមោលតែម្តង។
តាមនារីរងគ្រោះដដែលនិយាយបន្តថាភ្លាមៗនោះថៅកែរបស់នាងបានពឹងអ្នកជិតខាងអោយជូននាងទៅដាក់ពាក្យបណ្តឹងនៅប៉ុស្តិ៍នគរបាលរដ្ឋឃុំអមលាំងទាំងយប់តែម្តងដើម្បីអោយសមត្ថកិច្ចជួយរកយុត្តិធម៌អោយនាងទាំងនាងគ្មានកំហុសទាល់តែសោះ ហើយម្យ៉ាងទៀតនាងជានារីភេទទន់ខ្សោយ មិនតែប៉ុណ្ណោះលោកសន សឹម មានតួនាទីជាជំទប់ទី១ឃុំត្រពាំងជោ និងជាអ្នកចេះដឹងចេះច្បាប់ទម្លាប់ប្រជាពលរដ្ឋក្នុងភូមិចំនួន២៩ក្នុងឃុំត្រពាំងជោមិនក្រោម២ម៉ឺននាក់ឡើយដែលស្គាល់រូបលោកសន សឹម នោះហេតុអ្វីបានជាមកធ្វើបាបនាងបែបនេះទៅវិញ នារីរងគ្រោះបានប្រាប់អោយក្រុមអ្នកសារព័ត៌មានអោយដឹងថានាងដាក់ពាក្យបណ្តឹងពីបទបង្កហិង្សា ហើយទាមទារសំណងជំងឺចិត្តចំនួន១ម៉ឺនដុល្លារអាមេរិកនិងចាត់ការតាមផ្លូវច្បាប់ផងដែរ។
ដោយឡែកអ្នកស្រីព្រំ ដានី អាយុ៣៧ឆ្នាំជាថៅកែហាងខារាអូខេខាងលើបានអោយដឹងថាក្នុងនាមអ្នកស្រីតែងតែការពារបុគ្គលិករបស់អ្នក បើទោះបីអ្នកនោះមានអំណាចបុណ្យសក្តិធំប៉ុណ្ណាក៏ដោយអ្នកស្រីត្រូវតែការពារជានិច្ច អ្នកស្រីសង្ឃឹមលើនគរបាលស្រុកថ្ពង ខេត្តកំពង់ស្ពឺនិងជាពិសេសតុលាការខេត្តកំពង់ស្ពឺនិងជួយរកយុត្តិធម៌ដល់នារីរងគ្រោះជាក់ជាមិនខានឡើយ បើទោះបីជាជនដៃដល់ ជាជំទប់ទី១ឃុំត្រពាំងជោក៏ដោយ ការបង្កហិង្សាមកលើនារីរងគ្រោះទន់ខ្សោយនោះ។
ជាចុងក្រោយអ្នកស្រីធ្វើការសំណូមពរដល់សម្តេចកិត្តិព្រឹត្តបណ្ឌិតប៊ុន រ៉ានី ហ៊ុន សែន ដែលកន្លងមកសម្តេចតែងតែជួយដល់នារីទន់ខ្សោយរងគ្រោះគេធ្វើបាប ហើយសម្តេចតេជោហ៊ុន សែនតែងតែអនុវត្តន៍អភិក្រមទាំង៥ចំពោះមន្ត្រីរាជការ ខិលខួចលួចមានស្រី ប្រើអំពើហិង្សាទៅលើស្ត្រីទន់ខ្សោយជាដើម។
ជុំវិញករណីខាងលេីក្រុមការងារយេីងមិនអាចសុំការបំភ្លឺពីលោក សន សឹម ជំទប់ឃុំទី១ឃុំត្រពាំងជោ បានទេព្រោះគ្មានលេខទូរសព្ទ័ទំនាក់ទំនង។
អង្គភាពយេីងនិងផ្សាយបន្ដប្រសិនបេីមានការបកស្រាយបំភ្លឺពីលោក សន សឹម ដេីម្បីអោយមហាជនជ្រាបច្បាស់អស់ចម្ងល់ផងដែរនិងបញ្ចាក់ពីភាពស្អាតស្អំរបស់លោក សន សឹមផងដែរ៕
