ព្រះសីហនុ ៖ រថយន្តដឹកទំនិញពីរគ្រឿងបុកប៉ះគ្នាបណ្តាលអោយមនុស្សគាប់ជាប់នៅក្នុងរថយន្តត្រូវបានសមត្ថកិច្ចរួមទាំងបងប្អូនប្រជាពលរដ្ឋជួយសង្គ្រោះហេតុនេះកើតឡើងកាលពីវេលាម៉ោងជាង៥ព្រឹក ថ្ងៃទី២៨ ខែសីហា ឆ្នាំ២០១៩ នៅផ្លូវជាតិលេខ៤ ចន្លោះគីឡូម៉ែត្រលេខ ១០៨-១០៩ ស្ថិតក្នុងភូមិស្ទឹងច្រាល ឃុំអូរបាក់រទេះ ស្រុកកំពង់សីលា ខេត្តព្រះសីហនុ ក្នុងទិសដៅបញ្ច្រាសទិសគ្នា។
សមត្ថកិច្ចមូលដ្ឋានបានប្រាប់អោយដឹងថានៅមុនពេលកេីតហេតុមានរថយន្តទី១ ពាក់ស្លាកលេខភ្នំពេញ 3A- 6631 ជិះគ្នា០៣នាក់ អ្នកបេីកបរនិងអ្នករួមដំណេីរមានឈ្មោះ ៖
ទី១.ឈ្មោះ ចក់ ភេទប្រុស អាយុ២២ឆ្នាំ រងរបួសបាក់ជេីងឆ្វេង មានទីលំនៅស្រុកអង្គស្នួល ខេត្តកណ្តាល (អ្នកបេីកបរ)
២.ឈ្មោះ សែ សំអូន អាយុ៣៤ឆ្នាំ ភេទប្រុស រងរបួសស្រាល មានទីលំនៅស្រុកអង្គស្នួល ខេត្តកណ្តាល ។
៣.ឈ្មោះ ជឿន សុខពៅ អាយុ១៧ឆ្នាំ ភេទប្រុសរងរបួសស្រាល មានទីលំនៅភូមិទ្រាល សង្កាត់ស្វាយដង្គុំ ក្រុងសៀមរាប ខេត្តសៀមរាប។ ចំណែករថយន្តទី២ ពាក់ស្លាកលេខភ្នំពេញ 3B- 7801 បេីកបរដោយឈ្មោះ អូន សម្ភស្ស ភេទប្រុស អាយុ២៥ឆ្នាំ រងរបួសបាក់ជេីងឆ្វេង មានទីលំនៅភូមិជលា ឃុំជលា ស្រុកបាធាយ ខេត្តកំពង់ចាម ។
ក្រោយកើតហេតុ ជនរងគ្រោះ ត្រូវបានបញ្ជូនទៅព្យាបាលនៅមន្ទីរពេទ្យ ចំណែករថយន្តទាំង០២គ្រឿង ត្រូវបានយកមករក្សាទុកនៅអធិការដ្ឋាននគរបាលស្រុកកំពង់សីលា ៕
