ព្រះសីហនុ៖ ភ្លៀងនៅតែបន្តធ្លាក់នៅក្រុងព្រះសីហនុ និងបណ្តាលអោយទឹកបន្តជន់លិចតាមផ្លូវ ភូមិដ្ឋានប្រជាពលរដ្ឋជាពិសេសម្តុំអង្គការម្លប់តាប៉ាង ស្ថិតក្នុងភូមិ០៤ សង្កាត់លេខ០៤ ក្រុងព្រះសីហនុ។
ជុំវិញបញ្ហាខាងលើនេះប្រជាពលរដ្ឋបានសំណូមពរដល់ថ្នាក់ដឹកនាំខេត្តព្រះសីហនុឲ្យជួយមើលដោះស្រាយទឹកចំណេញដែលត្រូវបានជន់លិចនេះផង
ក្រោយពេលមានភ្លៀងធ្លាក់មួយមេយ៉ាងធំ។ សេចក្តីរាយកាណ៍ពីប្រជាពលរដ្ឋក៍ដូចជាអាជ្ញាធរមូលដ្ឋានអោយដឹងថា មានផ្លូវថ្នល់សាធារណៈនិងលំនៅដ្ឋានពលរដ្ឋមួយចំនួនទឹកបានជន់លិចហូរលើផ្លូវនិងហូរចូលដល់ក្នុងផ្ទះប៉ះពាល់ខូចខាតដល់ទ្រព្យសម្បត្តិជាច្រើនក្នុងនោះក៍មានកន្លែងខ្លះហូរច្រោះដីបាក់រលំរបងផ្ទះផងដែរ ប៉ុន្តែមិនមានមនុស្សរងគ្រោះថ្នាក់ទេ។
ភ្លាមៗសមត្ថកិច្ចចម្រុះមាននគរបាល កងរាជអាវុធហត្ថ ប្រជាការពាររួមនិងអជ្ញាធរភូមិ សង្កាត់ក៍ត្រូវបានរដ្ឋបាលខេត្តនិងក្រុង ចាត់បញ្ជាអោយចេញកម្លាំងពិនិត្យនិងជួយដោះស្រាយការងារចាំបាច់ជូនពលរដ្ឋតាមកន្លែងដែលមានទឹកជន់លិចខ្លាំង ក្នុងនោះអង្គភាពអគ្គិសនីខេត្តក៍បានសម្រេចបិទផ្អាកការផ្គត់ផ្គង់ចរន្តភ្លើងតាមតំបន់ដែលទឹកជន់លិចខ្លាំងផងដែរដើម្បីបង្ការខ្លាចមានគ្រោះថ្នាក់ដោយការឆ្លងចរន្តអគ្គិសនី។
សូមបញ្ជាក់ថាគិតមកត្រឹមព្រឹកព្រលឹមថ្ងៃ១៥កញ្ញាឆ្នាំដដែលនេះ ភ្លៀងនៅតែបន្ត ធ្លាក់ក្នុងក្រុងព្រះសីហនុ មិនទាន់រាំងនៅឡើយ៕
