ខេត្តបាត់ដំបង ៖នៅព្រឹកថ្ងៃពុធ ៩កើតខែចេត្រឆ្នាំកុរឯកស័កព.ស.២៥៦៣ ត្រូវនិងថ្ងៃទី០១ខែមេសា ឆ្នាំ២០២០
វេលាម៉ោង០៧និង៤០នាទីនៅចំណុចក្រុមទី២៣ភូមិគ្រួស ឃុំជ្រៃ ស្រុកថ្មគោល ខេត្តបាត់ដំបង មានករណីលួចមានស្ថានទម្ងន់ទោស(ឆក់កាបូប)មួយកើតឡើង បង្កដោយជនមិនស្គាល់អត្តសញ្ញាណចំនួន០១នាក់ស្លៀកពាក់ខោអាវប៉ារ៉ាជិះម៉ូតូ០១គ្រឿងម៉ាកហុងដាសេ១២៥ស៊េរី២០១៩ពណ៍ខ្មៅពាក់ស្លាកលេបាត់ដំបង1AH 4465 ធ្វើសកម្មភាពឆក់កាបូបរបស់ជនរងគ្រោះឈ្មោះ ញ៉ ជ្រី ភេទស្រីអាយុ៧២ឆ្នាំរស់នៅភូមិក្បាលខ្មោច ឃុំជ្រៃ ស្រុកថ្មគោលខេត្តបាត់ដំបងដែលនៅក្នុងកាបូបនោះមានទ្រព្យសម្បត្តិរួមមាន៖ប្រាក់រៀលចំនួន៣,៣០០,០០០រៀល(បីលានសាមសិបម៉ឺនរៀល)ទូរស័ព្ទដៃ០១គ្រឿងម៉ាកទ្រូពណ៌ខ្មៅមានស៊ីមលខ0979879193អត្តសញ្ញាណប័ណ្ណសញ្ជាតិខ្មែរចំនួន០១សន្លឹក។
នៅពេលកើតហេតុភ្លាមៗ តាមបទបញ្ជារបស់លោកឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង បានបញ្ចាអោយលោកឧត្តមសេនីយ៍ត្រី ជេត វណ្ណនី ស្នងការរងផែនការងារព្រហ្មទ័ណ្ឌ បានដឹកនាំមន្រ្តី ជំនាញ បង្ការបង្ក្រាប ចូលរួមជាមួយកម្លាំងនគរបាលស្រុកថ្មគោលនិងកម្លាំង នគរបាលស្រុកសង្កែធ្វើការស្រាវជ្រាវលេីករណីនេះ។
ឆ្លងតាមរយៈនៃការស្រាវជ្រាវរហូតដល់ម៉ោង១០:៤០នាទី បានធ្វេីការឃាត់ខ្លួនបុរសជាជនសង្ស័យម្នាក់ឈ្មោះ សាន់ លី ភេទប្រុសអាយុ៥៣ឆ្នាំរស់នៅភូមិកំពង់អំពិល ឃុំវត្តតាមឹម ស្រុកសង្កែ ខេត្តបាត់ដំបង និងបានដកហូតសម្ភារៈភស្តុតាងរួមមាន៖
-ម៉ូតូ០១គ្រឿងម៉ាកហុងដាពាក់ស្លាកលេខបាត់ដំបង1AH 4465
-ប្រាក់រៀលចំនួន៣,១០០,០០០រៀល(បីលានដប់ម៉ឺនរៀល)
-ខោអាវប៉ារ៉ា០១កំភ្លេ មួកសុវត្ថិភាពណ៌ស០១,កាបូបស្ពាយពណ៌ខ្មៅចំនួន០១
-ទូរស័ព្ទដៃម៉ាកទ្រូ០១គ្រឿង(គ្មានស៊ីម),អត្តសញ្ញាណប័ណ្ណសញ្ជាតិខ្មែរចំនួន០១សន្លឹក
សូមបញ្ជាក់ជូនថាជនស័ង្សយឈ្មោះ សាន់ លី ភេទប្រុស ធ្លាប់ជាប់ពន្ធនាគារក្នុងឆ្នាំ២០០៨ ពីបទ(ប្លន់)នៅសង្កាត់វត្តគរក្រុងបាត់ដំបង ហេីយត្រូវបានដោះលែងចេញពីពន្ធនាគារកាលពីខែមិថុនាឆ្នាំ២០១៨ លុះដល់ថ្ងៃទី០១ ខែ មេសាឆ្នាំ២០២០ បានធ្វេីសកម្មភាពដូចខាងលេី និងត្រូវបង្រ្កាបចាប់ខ្លួនបាន។
បុរស ជាជនសង្ស័យ ត្រូវ កម្លាំងសមត្ថកិច្ច ជំនាញ ព្រហ្មទណ្ឌ សាង សំណុំរឿងបញ្ជូនមកការិយាល័យដេីម្បី, សាងសំណុំរឿង បញ្ជូន ខ្លួន បន្តទៅសាលាដំបូងខេត្តបាត់ដំបងចាត់ការតាមផ្លូវច្បាប់៕
