កែប៖ ប្រភពពី ភូមិអង្កោល និង ភូមិអំពែងឃុំ អង្កោល ស្រុក ដំណាក់ចង្អើរ ខេត្តកែប បានឲ្យដឹងថា ព្រៃលិចទឹក ក្នុង ឃុំ អង្កោ ល កំពុងរងការ រំលោភ និង បំផ្លាញយ៉ាងមហន្តរាយ ពីសំណាក់ ក្រុមអ្នក ឈូសឆា យបំផ្លាញ ព្រៃលិចទឹក ដើម្បីទន្ទ្រាន កាន់ កាប់ដីព្រៃ យកធ្វើជាកម្មសិទ្ធិ។
ប្រជាពលរដ្ឋ បានអំពាវនាវ អោយ ឯក ឧត្តម កែន សត្ថា អភិបាលខេត្តកែប ចាត់ វិធានការ ទប់ស្កាត់ ជាបន្ទាន់ ព្រោះព្រៃលិចទឹកនៅក្នុងតំបន់សហគមន៍នេះ កំពុងរងការរំលោភ និង បំផ្លាញ យ៉ាងអនាធិបតេយ្យ។
ប្រជាពលរដ្ឋ ក្នុងភូមិ អង្កោល និង ភូមិអំពែង បានឲ្យដឹងថា មន្ត្រីអាជ្ញាធរថ្នាក់ឃុំ និង ថ្នាក់ស្រុក មិនចាត់វិធាន ការបង្ក្រាបបទល្មើសក្នុងឃុំ អង្កោល ដែលកំពុងកើត ឡើងយ៉ាង រាលដាលនោះទេ ហើយ ប ណ្តោយឲ្យបទល្មើស កើតឡើងយ៉ាងអនាធិបតេយ្យដដែលៗបែបនេះ។
ចំណែក លោក ប្រធាន មន្ទីរកសិកម្មខេត្ត កែប និង លោកនាយខណ្ឌរដ្ឋបាល ជល ផល ខេត្តកែប មិនព្រមចាត់វិធានការ ទប់ ស្កាត់ បទល្មើស បំផ្លាញ ព្រៃកោងកាង និង រំលោភយក ដីព្រៃលិចទឹក នៅឃុំ អង្កោលនោះឡើយ។
បើតាមប្រភពខ្លះៗ បានលួចខ្សឹបប្រាប់ ឲ្យដឹងថា លោកនាយខណ្ឌ រដ្ឋបាលជលផល និង ប្រធានមន្ទីរ កសិកម្មខេត្តកែប គិតតែពីរឿង ប្រមូលផល ប្រយោជន៍ ពីក្រុមអ្នករំលោភយកដី ព្រៃលិចទឹករបស់រដ្ឋ ខុសច្បាប់ ដោយមិនខ្វល់ពីការរិះគន់អ្វីទាំងអស់។
តាមការអះអាង របស់ ប្រជាពលរដ្ឋ នៅភូមិ អង្កោល និង ភូមិអំពែង បានឲ្យដឹងថា ប្រសិនបើគ្មាន ការឃុបឃិត បើកដៃពីសំ ណាក់ មន្ត្រីជំនាញ និង មន្ត្រីអាជ្ញាធរទេនោះ គឺគ្មានជនណា ហ៊ានរំលោភ យកព្រៃលិចទឹក នៅក្នុងឃុំ អង្កោល ស្រុក ដំណាក់ចង្អើរ តាមតែ អំពើចិត្តបានឡើយ។
ដូច្នេះ ឯកឧត្តម កែន សត្ថ អភិបាលខេត្តកែប គួរជួយពិនិត្យឡើងវិញ ជាបន្ទាន់អំពីបញ្ហានេះ ព្រោះ អភិបាល ស្រុកដំណាក់ចង្អើរ និង លោក មេឃុំ អង្កោល មិនបាន យកចិត្តទុកដាក់ ការពារ ព្រៃកោងកាងនិង ព្រៃលិចទឹក ក្នុងមូលដ្ឋាន របស់ខ្លួននោះទេ។
លោកនាយ ខណ្ឌរដ្ឋបាលជលផល ខេត្តកែប បានឲ្យដឹងថា លោកនឹងដាក់មន្ត្រី ឱ្យចុះទៅត្រួតពិនិត្យមើល ជាបន្ទាន់ លោកមិនបណ្ដែត បណ្ដោយឲ្យអ្នកខិលខូច រំលោភយកព្រៃកោងកាង និង ព្រៃលិចទឹករបស់រដ្ឋ ធ្វើជាកម្មសិទ្ធិនោះទេ ។
ដោយឡែកលោកស្រី គឹម ចាន្នី អភិបាលស្រុកដំណាក់ចង្អើរ បានប្រាប់ ឲ្យអ្នកយកព័ត៌មាន យើងដឹងថា ដីនៅតំបន់នោះមួយចំនួន គឺមានប្លង់កម្មសិទ្ធិ របស់ប្រជាពលរដ្ឋ។
ចំណែក លោក ប្រធាន មន្ទីរកសិកម្មខេត្តកែប ខាងសារព័ត៌មានយើងមិនអាចសុំការ បំភ្លឺបាននោះទេ ដោយសារទូរស័ព្ទរបស់លោកខលចូលហើយ ពុំមានអ្នកលើក៕
