ភ្នំពេញ៖ លោកវរសេនីយ៍ឯក ហួរ ម៉េងវ៉ាង អធិការ នៃអធិការដ្ឋាននគរបាលខណ្ឌសែនសុខ បានចូលរួមបរិច្ចាគនូវប្រាក់បៀវត្សរបស់លោក ក្នុងមួយខែ ៤០០.០០០រៀល រយៈពេល៦ខែ គិតចាប់ពីខែឧសភា រហូតដល់ខែតុលា ឆ្នាំ២០២០ ជូនគណៈកម្មការជាតិប្រយុទ្ធប្រឆាំងនឹងជំងឺ កូវីដ-១៩ ដើម្បីរួមចំណែកជាមួយរដ្ឋាភិបាលក្នុងការ ការពារទប់ស្កាត់ និងបង្ការពីការឆ្លងរីករាលដាលនៃជំងឺកូវីដ-១៩នេះ ។
ឆ្លៀតក្នុងឱកាសនោះ លោកវរសេនីយ៍ឯក ហួរ ម៉េងវ៉ាង ក៏សូមគោរពជូនពរដល់បងប្អូនប្រជាពលរដ្ឋខ្មែរ និងកងកម្លាំងនគរបាល នៃអធិការដ្ឋានខណ្ឌសែនសុខទាំងអស់ សូមមានសុខភាព ល្អបរិបូណ៌ ជៀសឆ្ងាយពីជំងឺកូវីដ-១៩ ។
សូមជម្រាបថា សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានសម្រេចបរិច្ចាគប្រាក់បៀវត្សរបស់សម្តេចចំនួន៧ខែ ជូនដល់គណៈកម្មការជាតិ ប្រយុទ្ធនឹងជំងឺកូវីដ១៩។ ប្រាក់ខែរបស់ សម្តេចតេជោដែលបរិច្ចាគនេះ គឺរាប់ចាប់ពីខែមីនា រហូតដល់ខែកញ្ញា ឆ្នាំ២០២០៕ 
