បន្ទាយមានជ័យ-ក្រុងប៉ោយប៉ែត៖នៅព្រឹកថ្ងៃព្រហស្បតិ៍៩រោច ខែចេត្រ ឆ្នាំជូត ទោស័ក ពុទ្ធសករាជ ២៥៦៣ត្រូវនឹងថ្ងៃទី១៦ ខែមេសា ឆ្នាំ២០២០
លោក គាត ហ៊ុល អភិបាលនៃគណៈអភិបាលក្រុងប៉ោយប៉ែត អមដំណើរដោយ លោកលោកស្រីអភិបាលរងក្រុងប៉ោយប៉ែតមន្ត្រីរដ្ឋបាលក្រុងជាច្រើននាក់ សហកាជាមួយ អាជ្ញាធរសង្កាត់ប៉ោយប៉ែត រួមមាន លោក ភោគ លន ចៅសង្កាត់ប៉ោយប៉ែត លោកសាន់ អែលម៉ាត់ចៅសង្កាត់រងទី២ សង្កាត់ប៉ោយប៉ែតលោកយ៉ុតម៉ៃយ៉ានសមាជិកក្រុមប្រឹក្សាសង្កាត់លោកប៊ុន សុវុទ្ធា សមាជិកក្រុមប្រឹក្សាសង្កាត់និងលោកលោកស្រីសមាជិកក្រុមប្រឹក្សាសង្កាត់ប៉ោយប៉ែតលោកលោកស្រីមេភូមិអនុភូមិជំនួយការភូមិនិងប្រជាការពារ បានរៀបចំ អំណោយ ប្រគល់ជូន ដល់ ប្រជាពលរដ្ឋ ចំនួន៨២គ្រួសារ ក្នុងនោះ មាន អង្ករ រួមជាមួយ គ្រឿងឧបភោគបរិភោគ មួយចំនួនសម្រាប់ចែកជូនដល់ប្រជាពលរដ្ឋ ដែលមានជីវភាពខ្វះខាតខ្លាំង ។
នៅក្នុងឱកាស លោក អភិបាលក្រុង ក៏បានមានមតិជួបសំណេះសំណាល ផ្ដាំផ្ញើរ ដល់ប្រជាពលរដ្ឋ ធ្វើយ៉ាង ត្រូវមានអនាម័យ គ្រប់ពេលវេលា ជាពិសេសការលាងដៃ ហើយសម្រាប់អំណោយខាងលើនេះ ទោះតិចតួចក្ដី ប៉ុន្តែជាការចែករំលែង នូវទឹកចិត្ត របស់ថ្នាក់ដឹកនាំនៅក្រុងប៉ោយប៉ែត នៅក្នុងគ្រាលំបាក ដែលនៅក្នុងប្រទេសកម្ពុជាយើង និង បណ្ដាលប្រទេសផ្សេងៗ ក្នុងកាលៈទេសៈដ៏លំបាកនៃការរាតត្បាតរបស់វីរុសកូវីដ-១៩ (COVID-19) នេះ ធ្វើឱ្យបងប្អូន មិនអាចចេញ ទៅធ្វើការកស៊ី ទទួលទាន ដោយសេរីបាន អាជ្ញាធរពួកយើង មិនប្រងើយ កន្តើយនោះទេ ក្នុងនាមជាប្រជាជនខ្មែរ ហើយជាថ្នាក់ដឹកនាំ ផងនោះ ។
រដ្ឋបាលសង្កាត់ប៉ោយប៉ែតនឹងបន្តចែកជូនដល់បងប្អូនប្រជាពលរដ្ឋនៅក្នុងសង្កាត់បន្តទៀត។
សូមបញ្ជាក់ លោក ភោគ លន ចៅសង្កាត់ប៉ោយប៉ែតសូមថ្លែងអំណរគុណដល់ សាលាក្រុងប៉ោយប៉ែតនិងសប្បុរសជនដែលបានចូលរួមចំណែកជាមួយអាជ្ញាធរសង្កាត់ប៉ោយប៉ែតដើម្បីចែករំលែកជាមួយបងប្អូនប្រជាពលរដ្ឋក្រីក្រជួបការលំបាកស្ថិតនៅក្នុងសង្កាត់ប៉ោយប៉ែតក្រុងប៉ោយប៉ែតខេត្តបន្ទាយមានជ័យ៕ដោយ៖លោកចាន់ ពុធ
