ក្រុងប៉ោយប៉ែត ៖ ដោយមានការណែនាំ ពី លោក គាត ហ៊ុល អភិបាលនៃគណៈអភិបាលក្រុងប៉ោយប៉ែត អំពីបញ្ហាទឹកជំនន់ទឹកភ្លៀង ដែលបណ្ដាលមកពីស្ទះប្រព័ន្ធលូ នៅថ្ងៃសុក្រ និង ថ្ងៃសៅរ៍ ៤ កើត ខែពិសាខ ឆ្នាំជូត ទោស័ក ពុទ្ធសករាជ ២៥៦៣ត្រូវនឹងថ្ងៃទី២៥ ខែមេសា ឆ្នាំ២០២០ នេះ លោក ខាត ធា នាយករងរដ្ឋបាលក្រុង សហការជាមួយ លោក ភោគ លន សង្កាត់ប៉ោយប៉ែតនិង លោក វ៉ា ជឹមណារ៉េតចៅសង្កាត់រងទីនៃសង្កាត់ប៉ោយប៉ែត និងមានការចូលរួម ពី លោក ប៊ុន សវុទ្ធា សមាជិកក្រុមប្រឹក្សាសង្កាត់ • លោកស្រី ថេង សុផារី មេភូមិបាលិលេយ្យ២ ដឹកនាំក្រុមការងារអភិវឌ្ឍន៍សង្កាត់ប៉ោយប៉ែត ចុះសិក្សាប្រព័ន្ធបង្ហូលទឹក និងស្តាលូក្នុង ភូមិប៉ាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ។
ក្នុងឱកាសចុះសិក្សាប្រព័ន្ធបង្ហូលទឹក ស្ដាលូ និងប្តូរគំរបអណ្តូងលូ នេះផងដែរ ក្រុមការងារអាជ្ញាធរសង្កាត់ប៉ោយប៉ែត បានអំពាវនាវដល់ប្រជាលរដ្ឋមេត្តាចូលរួមថែរក្សាមាត់អណ្តូងលូនៅមុខគេហដ្ឋានរបស់ខ្លួន ដោយមិត្រូវទុកដាក់សំរាម ឬអាចម៌ដី ឬក៏សម្ភារៈផ្សេងៗ ដែលអាចហូរចូលអណ្តូងលូ បណ្តាលឱ្យកកស្ទះមុខទឹកនោះទេ ។
ជាលិទ្ធផល ជាក់ស្តែង ព្រឹកនេះដែល ក្រុមការងារអាជ្ញាធរសង្កាត់ប៉ោយប៉ែត បានស្តាលូ ប្រទះឃើញ សំរាម ជាច្រើន នៅក្នុងលូ និងរីហ្គែលចំនួន២៣ ប្រអប់។
សូមបញ្ជាក់ថា បើតាមសម្ដី បងប្រុស ជាពលរដ្ឋ រស់នៅ ចំណុច ស្ដាលូខាងលើបាន ឱ្យដឹងថាទីតាំងនេះ ពីមុន បើមានភ្លៀងធ្លាក់ខ្លាំង ម្ដងៗ គឺជន់លិចមិនក្រោម៣ថ្ងៃនោះទេទើបស្រកទៅវិញអស់ ប៉ុន្តែបច្ចុប្បន្ននេះទោះបីមានភ្លៀងធ្លាក់ខ្លាំង ការជនលិចត្រឹមតែមួយយប់មួយថ្ងៃ គឺស្រកអស់វិញហើយ ។ ដោយ លោកចាន់ពុធ
