បន្ទាយមានជ័យ-ក្រុងប៉ោយប៉ែត ៖ នា រសៀលថ្ងៃ ចន្ទ ទី ២៧ ខែមេសាឆ្នាំ២០២០ លោកគាត ហ៊ុល អភិបាលនៃគណៈអភិបាលក្រុងប៉ោយប៉ែតដឹកនាំមន្ត្រីក្រោមឱវាទជាច្រើនរូប រួមមានលោក ភោគ លនចៅ សង្កាត់ប៉ោយប៉ែត លោកវ៉ាជឹមណារ៉េត ចៅសង្កាត់រងទី ១ មេភូមិ អនុ ភូមិ បន្តរការចែកជូនអំណោយជាគ្រឿងឧបភោគបរិភោគ ជូនបងប្អូនប្រជាពលរដ្ឋដែលមានការខ្វះខាតក្នុងសង្កាត់ប៉ោយប៉ែត ចំនួន ៤១គ្រួសារដែលមកពីភូមិផ្សេងៗក្នុងសង្កាត់ប៉ោយប៉ែត ។
ក្នុងនោះផងដែរ លោក គាត ហ៊ុល អភិបាលក្រុងប៉ោយប៉ែត បានមានមតិផ្តាំផ្ញើ និងណែនាំដល់ពលរដ្ឋ សូមអោយចូលរួម សំអាតអនាម័យ ទាំងអស់គ្នា ព្រមទាំង ពាក់ម៉ាស់ លាងដៃ និងសាប៊ូ ឬជេល និងគោរព តាម គោលការណ៍របស់ក្រសួងសុខាភិបាល ដែលបានណែនាំ អោយបានគ្រប់ៗគ្នា និងដើម្បីរួមគ្នាជួយ ទប់ស្កាត់ ការឆ្លង រីករាលដាល នៃ វីរុស កូរ៉ូណា ។
