ភ្នំពេញ ៖ ដោយអនុវត្តតាមការណែនាំជាប្រចាំរបស់ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ លោកវរសេនីយ៍ឯក ជឹម សុីថា បានចុះចែកសៀវភៅគ្រួសារ(ក៤) និងអត្តសញ្ញាណប័ណ្ណសញ្ជាតិខ្មែរ(គំរូថ្មី) ជូនប្រជាពលរដ្ឋដល់ខ្នងផ្ទះ ។
នៅថ្ងៃសុក្រ ទី០១ ខែឧសភា ឆ្នាំ២០២០ វេលាម៉ោង ០៩និង៣០នាទី លោកវរសេនីយ៍ឯក ជឹម ស៊ីថា អធិការនគរបាលខណ្ឌដង្កោ និងលោក សៅ យានរិទ្ធីវុធ អធិការរងទទួលការងារ អត្តសញ្ញាណកម្ម បានដឹកនាំ កំលាំង ផ្នែកអត្តសញ្ញាណកម្ម និងប៉ុស្តិ៍នគរបាលរដ្ឋបាលដង្កោ ចុះចែកសៀវភៅគ្រួសារ(ក៤) និងអត្តសញ្ញាណប័ណ្ណសញ្ជាតិខ្មែរ(គំរូថ្មី)ជូនប្រជាពលរដ្ឋក្នុងភូមិខ្វា សង្កាត់ដង្កោ ដល់ខ្នងផ្ទះចំនួន ០៨គ្រួសារ មនុស្សចំនួន៣៤នាក់ ប្រុសចំនួន១៤នាក់ និងអាយុ១៨ឆ្នាំឡើងចំនួន២១នាក់ ប្រុសចំនួន០៩នាក់ និងបានចែកអត្តសញ្ញាណប័ណ្ណថ្មីចំនួន០៩នាក់ ប្រុសចំនួន០៤នាក់ ៕
