ព្រៃវែង៖កាលពីព្រឹកថ្ងៃព្រហស្បតិ៍ទី ៧ខែ ឧសភាឆ្នាំ ២០២០ សមាគមសប្បុរសធម៌កម្ពុជា – បារាំង(ACCF) បានចែកជូនអំណោយសប្បុរសធម៌ ដែលជាអំណោយពីលោកឧកញ៉ា ជឹង ធាន គាត និងភរិយាដែលមានទឹកប្រាក់ចំនួន ១,៨១០ដុល្លារ សហរដ្ឋអាមេរិកដើម្បីទិញស្បៀងចែកជូន ដល់គ្រួសារក្រីក្រចំនួន ១០គ្រួសារ ស្ថិតនៅស្នាក់ការ ACCF ក្នុងភូមិព្រៃមាស ឃុំអង្គររាជ្យ ស្រុកព្រះស្តេច ខេត្តព្រៃវែង។
លោក សុខ នីកូឡា ប្រធានសមាគម និងអ្នកនាង ច័ន្ទ ម៉ាលីស ជាភរិយា តែងតែជួយបំពេញនូវរាល់សំណូមពរ និងជួយគ្នាក្នុងគ្រាលំបាក ដើម្បីលើកកម្ពស់រក្សាទំនាក់ទំនង កិច្ចសហការជាមួយប្រជាជន ក៏ដូចជារាជរដ្ឋាភិបាលកម្ពុជាឱ្យកាន់តែរីកចម្រើន និងលើកស្ទួយជីវភាពប្រជាពលរដ្ឋកម្ពុជា ឱ្យកាន់តែប្រសើរឡើងក្នុងការចូលរួមចំណែកក្នុងការងារមនុស្សធម៌។
ក្នុងនោះដែរលោកឧកញ៉ា ជឹង ធាន គាត ដែលជាម្ចាស់ជំនួយដ៏ធំ នៃសមាគមសប្បុរសធម៌កម្ពុជា-បារាំង ដែលតែងតែជួយជាទឹកប្រាក់ដើម្បីទិញជាស្បៀងអាហារឧបភោកបរិភោគដល់បងប្អូនប្រជាពលរដ្ឋទីទាល់ក្រ តាមរយៈសមាគមផងដែរ។
សូមបញ្ជាក់ថា ប្រជាពលរដ្ឋក្រីក្រទាំង១០គ្រួសារដែលក្នុងមួយគ្រួសារទទួលបាន អង្ករ ឃីត១( មុង ក្រមា ភួយ សារុង) ទឹកបរិសុទ្ធ មីកញ្ចប់ ត្រីខ ប្រេងឆា ទឹកត្រី ទឹកសុីអុីវ ថ្នាំម៉ូស សាប៊ូ គ្រឿងទេស និងថវិកាមួយចំនួនជាពិសេស មានម៉ាស់មួយប្រអប់ និងទឹកអាកុលសម្រាប់លាងដៃទៀតផង៕
