ក្រុងប៉ោយប៉ែត ៖ ថ្ងៃសុក្រ ២រោច ខែពិសាខ ឆ្នាំជូត ទោស័ក ព.ស ២៥៦៤ ត្រូវ និងថ្ងៃ ទី ០៨ ខែ ឧសភាឆ្នាំ ២០២០ នេះ ក្រោមការចង្អុល បង្ហាញ ពីលោក គាត ហ៊ុល អភិបាលនៃគណ:អភិបាល ក្រុងប៉ោយប៉ែត បាន បង្ហាញអោយ មន្ត្រី សាលាក្រុង ចុះអនុវត្ត និង ប្រមូល សំរាម អាណាធិបតេយ្យ ដែលប្រជាពលរដ្ឋ មួយ ចំនួន យក មកបោះចោល ពាសវាលពាសកាល នៅតាមដងផ្លូវ សារធារណ: ។ហើយនៅព្រឹកថ្ងៃទី ០៨ខែឧសភា ឆ្នាំ២០២០ វេលាម៉ោង ៨ព្រឹក នេះ លោក ខាត់ ធា នាយករងរដ្ឋបាលក្រុងប៉ោយប៉ែត ដឹកនាំក្រុមការងារ ការិយាល័យ ដឹកជញ្ជូន សារធារណ: អនាម័យនិង បរិស្ថាន ជាច្រើនរូប រួមនិងសង្កាត់មេភូមិប្រជាការពារភូមិ សហការជាមួយ ក្រុមហ៊ុនប្រមូល សំរាម សុឹនទ្រីចុះប្រមូលសំរាមដែលប្រជាពលរដ្ឋមួយ ចំនួន យកមកបោះចោលពាសវាលពាសកាល តាមផ្លូវសារធារណ: ដែល ស្ថិតនៅខាងក្រោយវត្ត ផ្សារកណ្តាល ភូមិ ផ្សារកណ្តាលសង្កាត់ផ្សារកណ្តាលក្រុងប៉ោយប៉ែត ខេត្តបន្ទាយមានជ័យ ។ ក្នុងនោះផងដែរ រដ្ឋបាលក្រុងប៉ោយប៉ែត និងធ្វើការពិន័យ យ៉ាងធ្ងន់ធ្ងទៅលើ បុគ្គលណាដែលគ្មានឆន្ទ:ចូលរួមសហការធ្វើអនាម័យ និងបរិស្ថាន ជាមួយអាជ្ញាធរ និងតែងតែ បង្ករការយកសំរាម មកបោះចោល ពាសវាលពាសកាល យ៉ាងអាណាធិបតេយ្យដែលធ្វើ អោយ ប៉ះពាល់សុខភាពបងប្អូនប្រជាពលរដ្ឋដែលរស់នៅក្រុងប៉ោយប៉ែត ទាំងមូល ។ដោយលោក ចាន់ ពុធ
