ស្វាយរៀង៖ព្រឹកថ្ងៃអង្គារ៍៦រោច ខែពិសាខ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១២ ខែឧសភា ឆ្នាំ២០២០ លោក សួស សារិទ្ធ អភិបាលរងស្រុកតំណាងលោក ថន ថាវុទ្ធា អភិបាលនៃគណៈអភិបាលស្រុកចន្ទ្រា បានដឹកក្រុមការងារចុះសម្របសម្រួលជាមួយប្រជាពលរដ្ឋចំនួន៦គ្រួសារ បានជីកដីរំលោភយកដីរដ្ឋ ស្ថិតនៅភូមិទួលស្ដី ឃុំទួលស្ដី ស្រុកចន្រ្ចា ខេត្ដស្វាយរៀង។
ប្រជាពលរដ្ឋចំនួន៦គ្រួសារ បានជីកដីរំលោភយកដីរដ្ឋមានឈ្មោះដូចខាងក្រោម៖១.លោក ញ៉ែម ងុឹត ២.លោក រាជ ម៉ុន
៣.លោក ផាន វីរះ៤.លោក ផាន់ សារ៉ុ
៥.លោកស្រី ភឿក ខុន៦.លោកស្រី រឿង សោភ័ណ្ឌ ។
ភ្លាមនោះដែរលោកសួស សារិទ្ធ អភិបាលរងស្រុកបានបេីកកិច្ចប្រជុំមួយដោយមានការអញ្ជើញចូលរួម លោកប្រធានការិយាល័យ នីតិកម្មសម្រុះសម្រួល និងវិវាទមូលដ្ឋានស្រុក លោកប្រធានការិយាល័យរៀបចំដែនដីនគររូបនីកម្មសំណង់និងភូមិបាលស្រុក លោកអនុប្រធានការិយាល័យ កសិកម្មធនធានធម្មជាតិ និងនិងបរិស្ថានស្រុក លោកមេឃុំ លោក លោកស្រីក្រុមប្រឹក្សាឃុំ លោកនាយរងប៉ុស្តិ៍នគរបាលរដ្ឋបាលឃុំ លោកមេភូមិ និងនិងប្រជាពលរដ្ឋ សរុបអ្នកចូលរួមមាន ១៩នាក់ ស្រី០៣នាក់។
ជាលទ្ធផលប្រជាពលរដ្ឋទាំង ០៦គ្រួសារ បានព្រមព្រៀងគ្នាលុបដីដែលបានជីកនោះវិញ និងបានធ្វើកិច្ចសន្យាបញ្ឈប់ការរំលោភយកដីបឹងបន្តទៀត ៕
