កំពង់ចាម ៖ នាព្រឹកថ្ងៃព្រហស្បតិ៍ ៨រោច ខែពិសាខ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៤ ខែឧសភា ឆ្នាំ២០២០ លោកវរសេនីយ៍ទោ ប៉ែន ទៀងចំរើន អធិការនគរបាលស្រុកចំការលើ បានអមដំណើរលោក ខ្លូត ចិន្តា អភិបាលនៃគណ:អភិបាលស្រុក និងជាប្រធានកិត្តិយសអនុសាខាកាកបាទក្រហមកម្ពុជា ស្រុកចំការលើ និងអភិបាលរងស្រុក មេបញ្ជាការរងកងរាជអាវុធហត្ថស្រុក មេឃុំ ក្រុមប្រឹក្សាឃុំបុសខ្នុរ មេភូមិ បាននាំយកថវិកា និងសម្ភារ:មួយចំនួនជូនដល់បងប្អូនប្រជាពលរដ្ឋដែលរងគ្រោះដោយខ្យល់កន្ត្រាក់ របើកដំបូល ចំនួន ២១គ្រួសារ ដោយ០១គ្រួសារ ទទួលបានថវិកាមួយចំនួន និង អង្ករ២០គីឡូ ទឹកត្រី១យួរ ទឹកស៊ីវអ៉ីវ ១យួរ ត្រីខកំប៉ុង១យួរ ៕
