បាត់ដំបង៖ដោយយោងទៅតាមការតវ៉ាពីប្រជាពលរដ្ធជាច្រើនគ្រួសារនាព្រឹកថ្ងៃទី១៧ខែឧសភាឆ្នាំ២០២០វេលាម៉ោង៩និង៣០នាទីស្ថិតនៅទីតាំងផ្ទះជួលឲ្យក្រុមហ៊ុនដាក់អង់ទែនទូរស័ព្ទមួយកន្លែងត្រង់ចំណុចភូមិអូរតាគាំ២ សង្កាត់ទួលតាឯក ក្រុងបាត់ដំបង ខេត្តបាត់ដំបង។ប្រភពពីប្រជាពលរដ្ធដែលរស់នៅជាប់របងទីតាំងខាងលើបាននិយាយប្រាប់អ្នកយកពត៌មានយើងឲ្យដឹងថា ម្ចាស់ផ្ទះដែលជួលឲ្យក្រុមហ៊ុនដាក់ទូរស័ព្ទនោះមានឈ្មោះង៉ែតសារ៉នភេទប្រុសអាយុប្រហែលជា៧០ឆ្នាំជាង។
ហើយការដែលជួលឲ្យនេះគឺចាប់តាំងពីឆ្នាំ២០០៨មកម្លេះដែលមានក្រុមហ៊ុន០៩៧និង០១២ហើយមានការតវ៉ានឹងដោះស្រាយតាំងពីឆ្នាំ២០១៣រួចម្តងហើយដោយសន្យាថាបញ្ចប់លែងឲ្យមានការជួលដាក់អង់ទែនទូរស័ព្ទជាមួយក្រុមហ៊ុននៅឆ្នាំ២០១៨ដោយសារមានផលប៉ះពាល់ដល់សុខភាពវិទ្យុះសកម្មពលរដ្ធរស់នៅក្បែរអ្នកជិតខាង។
ប្រភពដដែលបានបន្តឲ្យដឹងទៀតថា នៅពេលថ្មីនេះពួកគាត់បានឃើញបុគ្គលិករបស់ក្រុមហ៊ុនស្មាតចូលមកតំឡើងប្រព័ន្ធទូរស័ព្ទនៅលើអង់ទែនដែលមានទីតាំងខាងលើភាគច្រើនពួកគាត់ចូលមកធ្វើនៅថ្ងៃឈប់សម្រាកបុណ្យនឹងថ្ងៃសៅរ៏អាទិត្យដូចជានៅព្រឹកថ្ងៃទី១៧ខែឧសភាឆ្នាំ២០២០វេលាម៉ោង៩និង៣០នាទីទើបពួកគាត់សម្រេចចិត្តរាយការណ៏ជូនអាជ្ញាធរសង្កាត់និងមន្ត្រីនគរបាលប៉ុស្តិ៏ជួយអន្តរាគមន៏ភ្លាមៗនៅព្រឹកថ្ងៃដដែលតែម្តង។
ជុំវិញការដែលក្រុមហ៊ុនទូរស័ព្ទជួលផ្ទះដាក់អង់ទែននៅត្រង់ចំណុចខាងលើនេះដែរក្រុមការងារពត៌មានយើងមិនអាចសុំការបកស្រាយបានទេពីព្រោះពុំមានលេខទូរស័ព្ទ។
ចំណែកបុរសម្នាក់ដោយពុំបានប្រាប់ឈ្មោះដែលមកតំឡើងប្រព័ន្ធទូរស័ព្ទបានបញ្ជាក់ប្រាប់ថាពួកគាត់ជាបុគ្គលិកធ្វើការឲ្យក្រុមហ៊ុនស្មាត បើមានការអីសូមធ្វើការទំនាក់ទំនងទៅក្រុមហ៊ុនទៅដឹងហើយពីព្រោះពួកគាត់ជាអ្នកធ្វើការសុីឈ្នួលគេទេ។
នៅព្រឹកថ្ងៃដដែលនេះដែរក៏មានការសម្របសម្រួលពីលោកចៅសង្កាត់ទួលតាឯកនិងមន្ត្រីនគរបាលប៉ុស្តិ៏មកជួយដោះស្រាយនិងបានហាមឃាត់បុគ្គលិកក្រុមហ៊ុនស្មាតឲ្យផ្អាកសកម្មភាពភ្លាមៗផងដែរ ។
ដោយឲ្យខាងភាគីម្ចាស់ទីតាំងដោះស្រាយពលរដ្ធដែលតវ៉ាសិនទើបអនុញាត្តិឲ្យបន្តសកម្មភាពទៀតបាន៕ដោយ៖ប៊ុនថេត
