ភ្នំពេញ៖នៅថ្ងៃទី១៧ ខែឧសភា ឆ្នាំ២០២០ វេលាម៉ោងប្រហែល ១៧:០០នាទី កម្លាំងអធិការដ្ឋាននគរបាលខណ្ឌទួលគោក បានធ្វើការឃាត់ខ្លួនជនសង្ស័យម្នាក់ជាក់ស្ដែងពីបទលួចមានស្ថានទម្ថន់ទោស (ឆក់ទូរស័ព្ទដៃ) ប្រព្រឹត្តនៅចំណុចមុខផ្ទះលេខ៣០ ផ្លុវលេខ២២៥ ក្រុមទី១៥ ភូមិ៥ សង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ ។
ប្រភពពីសមត្ថកិច្ចបានអោយដឹងថា ជនសង្ស័យឈ្មោះ ហៃ លីហួរ ហៅ ហួរ ភេទប្រុស អាយុ២០ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះមិនចាំលេខ ម្ដុំផ្សារដើមអម្ពិល សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
វត្ថុតាងចាប់យកមានរួមមាន៖
ម៉ូតូ០១គ្រឿងម៉ាក Honda C125 ស៊េរី2020 ពណ៌ក្រហម ពាក់ស្លាកលេខ ភ្នំពេញ 1IE-3238 ដែល មានលេខតួនិងលេខម៉ាស៊ីន: 5674150 (ជាម៉ូតូរបស់ជនសង្ស័យជិះធ្វើសកម្មភាពឆក់) , ទូរស័ព្ទដៃ០១គ្រឿងម៉ាក I Phone XS mix ពណ៍ទឹកប្រាក់ ប្រើស៊ីមលេខ 093 575557 (ជារបស់ជនរងគ្រោះឈ្មោះ សៅ ចាន់ ដែលជនសង្ស័យឈ្មោះ ហៃ លីហួរ និងបក្សពួកឆក់) សមត្ថកិច្ចយើងបានធ្វើការប្រគល់ជូនជនរងគ្រោះឈ្មោះ សៅ ចាន់ វិញ តាមការស្នើសុំ ដោយមានការឯកភាពពីលោក ចែ សុង ព្រះរាជអាជ្ញារង នៃអយ្យការអមសាលាដំបូង រាជធានីភ្នំពេញ ។
បច្ចុប្បន្ន ជនសង្ស័យខាងលើ កំពុងឃាត់ខ្លួនជាបណ្ដោះអាសន្ន នៅអធិការដ្ឋាននគរបាលខណ្ឌទួលគោក ដើម្បីធ្វើការសាកសួរ និងចាត់ការតាម នីតិវិធីច្បាប់៕
