ក្រុងប៉ោយប៉ែត ៖ នៅព្រឹក ថ្ងៃចន្ទ ១២រោច ខែពិសាខ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី១៨ ខែឧសភា ឆ្នាំ២០២០ នេះ ដោយមាន ការចង្អុលបង្ហាញ ពី លោក គាត ហ៊ុល អភិបាល នៃគណៈអភិបាលក្រុងប៉ោយប៉ែត លោក ហាក កុសល ប្រធានការិយាល័យសាធារណការ ដឹកជញ្ជូន អនាម័យ បរិស្ថាន និងសណ្តាប់ធ្នាប់សាធារណៈ អមដំណើរ ដោយ លោក យ៉ង សុជាតិ • លោក ម៉ែន សិរីរិទ្ធ • លោក ជុំ វណ្ណា • និង ក្រុមការងារ សហការជាមួយអាជ្ញាធរមូលដ្ឋាន ភូមិ សង្កាត់ និង ក្រុមហ៊ុន ស៊ីនទ្រី បានចុះប្រមូលសំរាមអនាធិបតេយ្យ នៅចំណុចខាងកើតបេនឡាន ស្ថិតនៅក្នុងភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ។
ជាលទ្ធផល ក្រុមការងារក្រុងបានប្រមូលសំរាមអនាធិបតេយ្យ បានចំនួន ២៥តោន និងចុះអប់រំ ណែនាំប្រជាពលរដ្ឋដែលរស់នៅជុំវិញនោះ ឱ្យពួកគាតរ់ភ្ជាប់សេវាប្រមូលសំរាម និងវេចខ្ចប់ ទុកដាក់សំរាមឱ្យបានត្រឹមត្រូវ ។
សូមជម្រាបថា ក្រោយពីទទួល បានការណែនាំ ពី អាជ្ញាធរ ក្រុងប៉ោយប៉ែត ប្រជាពលរដ្ឋ មួយចំនួន មានការត្រេកអរ និងបានចួលរួមភ្ជាប់សេវា ជាច្រើនខ្នងផ្ទះ ផងដែរ ។ ដោយ លោកចាន់ពុធ
