ភ្នំពេញ ៖ កម្លាំងសមត្ថកិច្ចចំរុះ របស់អធិការដ្ឋាននគរបាលខណ្ឌសែនសុខ បន្តដាក់គោលដៅរឹតបន្តឹងច្បាប់ចរាចរណ៍ លើយានជំនិះគ្រប់ប្រភេទ ចំនួន១១គ្រឿង។
យោងតាមរបាយការណ៍ របស់អធិការដ្ឋាន នគរបាលខណ្ឌសែនសុខ បានឲ្យដឹងថា ចាប់ពីម៉ោង៧និង០០នាទី រហូតដល់ម៉ោង៩និង០០នាទីព្រឹក ថ្ងៃទី១៩ ខែឧសភា ឆ្នាំ២០២០នេះ ការអនុវត្តន៍រឹតបន្ដឹងច្បាប់ ស្ដីពីចរាចរណ៍ផ្លូវគោក ដោយបង្កើនចំនួនទឹកប្រាក់ នៃការផាកពិន័យតាមអនុក្រឹត្យលេខ៣៩ ជាក់ស្តែងយានជំនិះគ្រប់ប្រភេទ ចំនួន ១១គ្រឿង ក្នុងនោះមាន ម៉ូតូចំនួន០៨គ្រឿង មិនពាក់មួកសុវត្ថិភាព ០៨គ្រឿង, រថយន្តធុនស្រាលចំនួន៣គ្រឿង ខ្សែក្រវ៉ាត់ ០២គ្រឿង បណ្ណបើកបរហួស ០១គ្រឿង។
គួបញ្ជាក់ថា វិធានការរឹតបន្តឹងច្បាប់ចរាចរណ៍ផ្លូវគោកនេះ គឺដាក់ចេញ ដើម្បីឆ្លើយតបនឹងភាពអាសន្ន នៃគ្រោះថ្នាក់ចរាចរណ៍ ដែលមានកំណើនយ៉ាងគំហុក កាលពីឆ្នាំកន្លងទៅ បានបណ្ដាលឱ្យមានអ្នកស្លាប់ របួសពិការ បង្កឱ្យមានកុមារកំព្រា និងការវិនាសព្រាត់ប្រាស់ ក្នុងគ្រួសារ ទាំងនៅក្នុងស្ថានភាព ដែលប្រទេសជាតិ បានចាកផុតពីភ្លើងសង្គ្រាម មានសន្តិភាព និងការអភិវឌ្ឍន៍ទៅហើយនោះ។
មុននឹងចាប់ផ្តើមអនុវត្តន៍នូវការរឹតបន្តឹងច្បាប់នេះ មន្ត្រីនគរបាលចរាចរណ៍បានធ្វើការផ្សព្វផ្សាយអស់ពេលមួយរយៈកន្លងមកហើយ៕
