ព្រះសីហនុ ៖ ពលរដ្ឋប្រទះឃើញសពបុរសជនជាតិចិនម្នាក់នៅថ្ងៃទី២១ ខែឧសភា ឆ្នាំ២០២០ វេលាម៉ោង១៣ និង១០នាទីរសៀល ដោយសពអណ្តែតទឹកសមុទ្រ ម្តុំពយតាម៉ូង ស្ថិតនៅក្រុមទី១៣ ភូមិ០៤ សង្កាត់លេខ០៤ ខេត្ត/ក្រុងព្រះសីហនុ។
ប្រភពបញ្ជាក់ថា សាកសពឈ្មោះ TANG SHAOEN ភេទប្រុស ជនជាតិចិនកើតនៅថ្ងៃទី២២ ខែឧសភា ឆ្នាំ១៩៧៩ កាន់លិខិតឆ្លងដែនលេខ EF3785524 មានសុពលភាពដល់ថ្ងៃទី២៤ ខែកុម្ភៈ ឆ្នាំ២០២៩ ទិដ្ឋាការលេខ EI02110155មាន សុពលភាពដល់ថ្ងៃទី២៧ ខែវិច្ឆិកា ឆ្នាំ២០១៩ មុខរបរកម្មករសំណង់ស្នាក់នៅម្តុំពយកាំពេញ(សង្កាត់លេខ០៣)។
តាមការបំភ្លឺពីមិត្តភក្តិរួមការងារបានឲ្យដឹងថា នៅមុនពេលកើតហេតុគាត់បានចេញពីការដ្ឋានបីថ្ងៃរួមទាំងថ្ងៃនេះហើយក៏ពុំដឹងថាគាត់ចេញទៅណាទេ រហូតដល់ថ្ងៃនេះមានគេប្រាប់ខ្ញុំថាមានគេឃើញសាកសពបុរសម្នាក់អណ្តែតទឹកទើបខ្ញុំមកមើល ទើបដឹងថាសាកសពគឺជាមិត្តភក្តិរបស់គាត់ដែលចេញពីការដ្ឋានពិតមែន។
តាមការពិនិត្យកោសល្យវិច័យរបស់នគរបាលបច្ចេកទេស វិទ្យាសាស្រ្តបានអោយដឹងថាសាកសពជនរងគ្រោះខាងលើបានស្លាប់ដោយសារលង់ទឹកសមុទ្រពិតប្រាកដមែន។
បច្ចុប្បន្នសាកសពជនរងគ្រោះខាងលើបានប្រគល់ជូននាយកដ្ឋានពិនិត្យវិភាគកន្លែងកើតហេតុ ក្រសួងមហាផ្ទៃ រក្សាទុកដើម្បីបន្តនីតិវិធីជូនគ្រួសារនិងស្ថានទូតសាមុី៕
