ខេត្តស្វាយរៀង ៖ ព្រឹកថ្ងៃសុក្រ១កើត ខែជេស្ឋឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២២ ខែឧសភា ឆ្នាំ២០២០ លោកជំទាវ ហ៊ុន ម៉ាណា អគ្គនាយិកាវិទ្យុ និងទូរទស្សន៍បាយ័ន និងជាប្រធានមូលនិធិផ្ទះទេវតា បានដឹកនាំក្រុមការងារ ចុះប្រគល់ផ្ទះទេវតា ចំនួន ០២ខ្នង ជូនលោកតា សំ សារឿន អាយុ ៧៥ រស់នៅភូមិកោះក្បានខាងជើង ឃុំសំរោង និងលោកយាយ ចាន់ ហន អាយុ ៨៥ ឆ្នាំរស់នៅភូមិគោកតែក ឃុំចន្រ្ទា ស្រុកចន្ទ្រា ដែលជាអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ដោយមានការអញ្ជើញចូលរួមពី ឯកឧត្តម តូច ប៉ូលីវ៉ា អភិបាលរងខេត្តស្វាយរៀង លោក គង់ វស្សា ប្រធានក្រុមប្រឹក្សាស្រុក លោក ថន ថាវុទ្ធា អភិបាលនៃគណ: អភិបាលស្រុកចន្រ្ទា លោកលោកស្រីអភិបាលរងស្រុក ក្រុមប្រឹក្សាឃុំ សិស្សានុសិស្ស និង ប្រជាពលរដ្ឋ សរុបចំនួន ៨៨ នាក់ ។
លោកយាយ លោកតាដែលទទួលបានផ្ទះទេវតា ទាំង ០២គ្រួសារ លោកជំទាវ ហ៊ុន ម៉ាណាក៏បានឧបត្ថម្ភបន្ថែមនូវសម្ភារៈ ក្នុងមួយគ្រួសាររួមមាន អង្ករ ១០០គីឡូក្រាម មី ០៥កេស ទឹកស៊ីអ៉ីវ ០៣យួរ ត្រីខកំប៉ុង ០១កេសធំ ទឹកដោះគោខាប់ ០១កេសធំ សម្ភារៈផ្ទះបាយ ០១ឈុតធំ ពូក មុង ខ្នើយ កន្ទេល ភូយ ០១ឈុតថវិកាសរុប ១.០០០.០០០ រៀល ។
ប្រជាពលរដ្ឋ ៤០នាក់ ម្នាក់ៗទទួលបាន សារ៉ុង ០១ ក្រមា ០១ សាប៊ូ ០១ ដុំ ថ្នាំពេទ្យ ០១ ប្រអប់តូច ជែលលាងដៃ ០១ដបតូច ធៀប០១ សិស្សានុសិស្ស ៤០នាក់ ក្នុងម្នាក់ៗទទួលបាន កាបូប ០១ អាវ ០១ ខោ០១ សៀវភៅ ០៣ក្បាល ប៊ិច ០២ដើម ខ្មៅដៃ ០២ដើម ជ័រលុប ០១ ស្បែកជើង ០១គូ និងសិស្សានុសិស្ស ៨នាក់ផ្សេងទៀតទទួលថវិកាពីលោកជំទាវ ម្នាក់ៗ ១០០.០០០ រៀល ។
បន្ទាប់ពីនោះ លោកជំទាវ ហ៊ុន ម៉ាណា ក៏បានប្រគល់អំណោយជូនចាស់ជរាចំនួន ០១ គ្រួសារ នៅភូមិចន្ទ្រា រួមមាន អង្ករ ១០០ គីឡូ មី ០៥ កេស ទឹកស៊ីអ៉ីវ ០៣យួរ ត្រីខកំប៉ុង ០១កេសធំ ទឹកដោះគោខាប់ ០១កេសធំ សម្ភារៈផ្ទះបាយ ០១ឈុតធំ ម៉ាស ០៥ ប្រអប់ ពូក មុង ខ្នើយ កន្ទេល ភួយ ០១ ឈុត ថវិកា ១.០០០.០០០ រៀល ៕
