កណ្តាល ៖ មានករណីលង់ទឹកបណ្ដាលឲ្យស្លាប់ក្មេងប្រុសស្រី២នាក់គួរឲ្យអាណោចអាធម្មនៅចំនុចត្រពាំងអង្គសិត្ថនៅ ភូមិតានូ ឃុំស្អាងភ្នំ ស្រុកស្អាង ខេត្តកណ្តាល កាលពីថ្ងៃទី២២ ខែឧសភា ឆ្នាំ២០២០ វេលាម៉ោង១៦ និង៣០នាទី ។
សពជនរងគ្រោះទាំង២នាក់មាន ៖ ១-ឈ្មោះ ខុំ វ៉ាន់ ភេទ ប្រុស អាយុ៩ឆ្នាំ ជនជាតិខ្មែរ មានទីលំភូមិឃុំខាងលើ មានឪពុកឈ្មោះ ញ៉ សុខុម អាយុ៣៦ ឆ្នាំជនជាតិខ្មែរ មុខរបរ កម្មករសំណង់ និងម្ដាយឈ្មោះ នាង ជ្រឿន អាយុ៣១ ឆ្នាំ ជនជាតិខ្មែរ មុខរបរ កម្មការនីរោងចក្រ និងទី២-ឈ្មោះ ធូ ណារី ភេទស្រី អាយុ៩ឆ្នាំ ជនជាតិខ្មែរ មានទីលំនៅភូមិឃុំខាងលើ មានឪពុក ឈ្មោះ ធី ចាន់ធូ អាយុ៣១ឆ្នាំ ជនជាតិខ្មែរ មុខរបរ ជាងដែក និងម្ដាយឈ្មោះ ញ៉ គៀង អាយុ៣១ឆ្នាំ ជនជាតិខ្មែរ មុខរបរ កម្មការនីរោងចក្រ។
ប្រភពពីសមត្ថកិច្ចបានឲ្យដឹងថា នៅថ្ងៃទី២២ ឧសភា វេលាម៉ោង១៦ និង១៤នាទី ឪពុកបង្កើតរបស់ជនរងគ្រោះបានយកសំណាញ់ទៅបង់ត្រីនៅត្រពាំងអង្គកូនប្រុស និងក្មួយស្រីបង្កើតទៅតាមពេលដល់ត្រពាំងអង្គឪពុកបានបង់សំណាញ់នៅខាងជើងត្រពាំងអង្គ (មានជំរៅមួយកាវរបស់x)កូនប្រុស និងក្មួយស្រីលេងទឹកនៅខាងត្បូង។
ប្រភពដដែលបានបន្តទៀតថា លុះកំពុងលេងទាំងពីរនាក់បងប្អូនមិនចេះហែលទឹកផង ហើយដោយឪពុកមិនចាប់អារម្មណ៍ផងកូនបានស្រែកហៅឪពុកឲ្យជួយឪពុកបានលឺក៏ក្រលេកមើលត្បូងឃើញកូនក៏បានទំលាក់សំណាញ់ចុះរត់មកជួយកូន ប៉ុន្តែទំរាំមកដល់ឪពុកទន់ជើងស្លុតស្មារតីបានឈរមើលហើយស្រែកយំឲ្យជួយកូនប្រុស និងក្មួយស្រីបានលង់ទឹកបានសន្ទុះក្រោយមកបានមានប្រជាពលរដ្ឋនៅក្បែរនោះរត់ជួយហើយទំរាំរកឃើញប្រហែលជាកន្លះម៉ោងទើបរកឃើញក្មេងទាំងពីរនាក់នោះបានលង់ទឹកស្លាប់បាត់អស់ហើយ។ ក្រោយមកមេភូមិតានូបានរាយការណ៍តាមទូរស័ព្ទប្រាប់ថាមានក្មេងលង់ទឹកស្លាប់។ បន្ទាប់មកសមត្ថកិច្ចជំនាញពិនិត្យហេតុ ស្រុក សហការជាមួយកម្លាំងប៉ុស្តិ៍ ក្រុមប្រឹក្សាឃុំ មេភូមិបានធ្វើការពិនិត្យពុំមានស្លាកស្នាមអ្វីគួឲ្យកត់សម្គាល់ឡើយ។ ដោយបានធ្វើការសន្និដ្ឋានជនរងគ្រោះស្លាប់ដោយសារលង់ទឹក។ ជាមួយគ្នានោះដែរក្រោយពីពិនិត្យរួចសពបានប្រគល់ឲ្យក្រុមគ្រួសារធ្វើបុណ្យតាមប្រពៃណី៕
