ភ្នំពេញ ៖ ដើម្បីដោះស្រាយបញ្ហាចំពោះមុខបន្ទាន់ ព្រឹកថ្ងៃសៅរ៍ ២កើត ខែជេស្ឋ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី២៣ ខែឧសភា ឆ្នាំ២០២០នេះលោក ហែម ដារិទ្ធិ អភិបាល នៃគណៈអភិបាលខណ្ឌពោធិ៍សែនជ័យ លោក ប៉ាង លីដា អភិបាលរង និងលោក កង វង ចៅសង្កាត់ចោមចៅទី១ រួមនឹងមន្រ្តីពាក់ព័ន្ធជាច្រើនរូបទៀង បានអញ្ជើញចុះពិនិត្យសិក្សាដោះស្រាយបញ្ហាទឹកភ្លៀងលិចដក់លំនៅដ្ឋានប្រជាពលរដ្ឋក្នុងតំបន់មួយចំនួនស្ថិតក្នុងភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ។
ក្នុងការដោះស្រាយបញ្ហានេះ លោក ហែម ដារិទ្ធិ បានបញ្ជាដាក់គ្រឿងចក្រជីកកាយប្រឡាយរំដោះទឹកប្រវែងជាង ២០០០ម៉ែត្រ នៅចំណុចប្រឡាយទួលពង្រទី១ ។
ជាមួយនេះ លោក អភិបាលខណ្ឌ សំណូមពរអោយប្រជាពលរដ្ឋចូលរួមសហការសម្រួលដល់ក្រុមការងារក្នុងការកាយប្រឡាយនេះ និងសុំការយោគយល់អធ្យាស្រ័យ ក្នុងករណីដាក់គ្រឿងចក្រជីកកាយប៉ះពាល់ដល់លំនៅដ្ឋានប្រជាពលរដ្ឋ ៕
