កំពត៖យោងតាមសេចក្តីរាយការណ៍ពីពលរដ្ឋថា កម្មករបំបែកថ្មភ្នំ របស់ក្រុមហ៊ុនផលិតសុីម៉ងត៍ភ្នំល្អាង(រោងចក្រថៃប៊ុនរុង) ០២នាក់ ត្រូវបានស្លាប់ភ្លាមៗ បន្ទាប់ពីបំផ្ទុះរំសេវបំបែកយកថ្មភ្នំឲ្យក្រុមហ៊ុនមួយនេះ ដើម្បីសម្រាប់ផលិតសុីម៉ងត៍ក្នុងរោងចក្រក្នុងសហគ្រាសរបស់ក្រុមហ៊ុន។
ជាក់ស្តែង ហេតុការណ៍នេះបានកើតឡើង កាលពីវេលាម៉ោង១៦ និង៤០នាទី ល្ងាច ថ្ងៃទី២៩ ខែឧសភា ឆ្នាំ២០២០ ត្រង់ចំណុចភ្នំមួយកន្លែង ស្ថិតក្នុងភូមិល្អាង ឃុំល្អាង ស្រុកដងទង់ ខេត្តកំពត។
ក្រោយការត្រួតពីនិត្យសមត្ថកិច្ចបានឲ្យដឹងទៀតថា ជនរង
គ្រោះដែលបានស្លាប់នេះរួមមាន៖
១-ឈ្មោះ គុណ រ៉ាល់ ហៅតាល់ ភេទប្រុស អាយុ២៩ឆ្នាំ ជនជាតុិខ្មែរ ។
២-ឈ្មោះ ញឹប សារុន ភេទប្រុស អាយុ៣៣ ជនជាតិខ្មែរ ទាំងពីរនាក់ រស់នៅក្នុងភូមិសាស្ត្រស្រុកទឹកឈូ ខេត្តកំពត។
សមត្ថកិច្ចបានបញ្ជាក់ទៀតថា ជនរងគ្រោះជាកម្មកររបស់ក្រុមហ៊ុនផលិតសុីម៉ងត៍ ថៃប៊ុនរុង ដែលមានទីតាំងស្ថិតក្នុងភូមិល្អាង ឃុំល្អាង ស្រុកដងទង់ ខេត្តកំពត។
បច្ចុប្បន្ន សាកសពជនរងគ្រោះទាំង ០២នាក់ ខាងលើនេះត្រូវបានគេប្រមូលសាច់ដែលបែកចេញពីខ្លួនជាបំណែកៗ យកមកម្តុំជូនក្រុមគ្រួសារ សព ដើម្បីយកមកធ្វើណ្យតាមប្រពៃណី។
ជាមួយគ្នានេះ ភាគ្គីខាងក្រុមហ៊ុន ថៃប៊ុនរុង ក៏បានឧបត្ថម្ភថវិកាជូនក្រុមគ្រួសារ សព ក្នុងមនុស្ស ១នាក់ ទទួលបាន 35,000$(បីម៊ីនប្រាំពានដុល្លារអាមេរិក) ដើម្បីជាថ្នូសំណងដល់ក្រុមគ្រួសារនៃ សព ដែលជាជនរងគ្រោះ៕
