បន្ទាយមានជ័យ៖ របាយការណ៍បឋមពីសមត្ថកិច្ច និងអាជ្ញាធរបានប្រាប់អ្នកយកព័ត៌មានឲ្យដឹងថា៖ នៅពាក់កណ្តាលអាធ្រាត្រចូលថ្ងៃទី៩ ខែ មិថុនា ឆ្នាំ២០២០ មានបីស្រុក និងក្រុង ក្នុង ខេត្តបន្ទាយមានជ័យ មានករណីពលរដ្ឋ ពុលស្រាថ្នាំដាក់យីហោថា៖ ស្រាថ្នាំចិនសែ តាំងគួយ បណ្តាលឲ្យពលរដ្ឋ ចំនួន៦នាក់ បានស្លាប់ និង ៥នាក់ទៀតពុល ដែរកំពុងសង្គ្រោះបន្ទាន់ កំពុងបន្សាបជាតិពុល ហើយព្យាបាលបន្ត ។
ឯកឧត្តម អ៊ុំ រាត្រី អភិបាល នៃគណះអភិ បាលខេត្តបន្ទាយមានជ័យ ឲ្យដឹងថាថា៖ សមត្ថកិច្ចនិងអាជ្ញាធរមូលដ្ឋានបានរាយការណ៍មកថា ពលរដ្ឋចំនួន៣នាក់ បានស្លាប់នៅក្នុងស្រុកម៉ាឡៃចំនួន២នាក់ទៀតនៅស្រុកមង្គលបូរី ពលរដ្ឋម្នាក់ទៀតនៅក្រុងប៉ោយប៉ែត ក៏បានស្លាប់ដែរ។
លោកបន្តទៀតថា ពលរដ្ឋរងគ្រោះបានពុលស្រាថ្នាំដូចខាងលើដែលច្រកក្នុងដបទឹកសុទ្ធ រាងអង្គាញ់ៗចំណុះ១/៣នៃលីត្រ ។
ចំណែក លោក រ័ត្ន ដាសុីណង់ អភិបាលស្រុកមង្គលបូរីបានឲ្យដឹងថា៖ មកទល់ម៉ោង១១យប់ថ្ងៃទី៩ ខែមិថុនា ឆ្នាំ២០២០ ប្រជាពលរដ្ឋផឹកស្រាប្រភេទនេះចំនួន២នាក់បានស្លាប់ដែរ គឺនៅឃុំចំណោមម្នាក់ និងឃុំបន្ទាយនាងម្នាក់ ។
ចំណែកលោកគ្រូពេទ្យនៃមន្ទីរពេទ្យខេត្តមិត្តភាពកម្ពុជា ជប៉ុនមង្គលបូរីបានប្រាប់ឲ្យដឹងថា៖ នៅយប់ថ្ងៃដ៏ដែល កំពុងសង្រ្គោះ ប្រជាពលរដ្ឋពុលស្រាចំនួន៥នាក់៖ ក្នុងនោះឃុំចំណោម ចំនួន៣នាក់ និងឃុំបន្ទាយ នាង ចំនួន២នាក់ ពួកគេបានពិសាស្រាថ្នាំដូចខាងលើ កាលពី ល្ងាចថ្ងៃទី៩ ខែមិថុនា ឆ្នាំ២០២០។
លោកគ្រូពេទ្យ បាននិយាយបន្តទៀតថា៖ ជនរងទាំង៥នាក់នោះកំពុងបន្តសង្គ្រោះបន្ទាន់ផងដែរ។
លោកវេជ្ជ បណ្ឌិត ឡេ ច័ន្ទ សង្វាត ប្រធានមន្ទីរសុខាភិបាល ខេត្តបន្ទាយមានជ័យនិង មន្ត្រី ពាក់ ព័ន្ធចុះស្រាវជ្រារកមូលហេតុនៃការពុលនេះហើយ ៕
