ភ្នំពេញ ៖ នៅល្ងាចថ្ងៃទី១១ ខែមិថុនា ឆ្នាំ២០២០ វេលាម៉ោង ១៧ និង០០នាទី លោក ចេង មុនីរ៉ា អភិបាល នៃគណៈអភិបាលខណ្ឌច្បារអំពៅ អមដំណើរដោយលោក ហ៊ត គឹមនី អភិបាលរងខណ្ឌ លោកស្រី ហេង សុវត្ថា អភិបាលរងខណ្ឌ លោកឃី សុង ចៅសង្កាត់ក្បាលកោះ និងសមាជិកក្រុមប្រឹក្សាសង្កាត់ ព្រមទាំងយុវជនសង្កាត់ ក្បាលកោះ បានចុះសំណេះសំណាល សួរសុខទុក្ខ បងប្អូនប្រជាពលរដ្ឋនៅ (កោះក្រៅ) ភូមិយកបាត្រ សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ។
ក្នុងឳកាសចុះសួរសុខទុក្ខខាងលលើលោក អភិបាលខណ្ឌច្បារអំពៅ បានឧបត្ថម្តអង្ករជូនប្រជាពលរដ្ឋចំនួន ៨១គ្រួសារ ដោយក្នុងមួយគ្រួសារទទួលបានអង្ករចំនួន ២៥គីឡូក្រាម។
លើសពីនេះទៅទៀត លោក ចេង មុនីរ៉ា អភិបាល នៃគណៈអភិបាលខណ្ឌច្បារអំពៅ ក៏បានណែនាំដល់ប្រជាពលរដ្ឋក្នុងមូលដ្ឋានសូមចូលរួមទប់ស្កាត់ជំងឺ covid-19 ទាំងអស់គ្នា ដោយការធ្វើអនាម័យ លាងដៃ ឱ្យបានញឹកញាប់ និងធ្វើតាមការណែនាំរបស់ក្រសួងសុខាភិបាល៕
