ប៉ោយប៉ែត៖កាលពីថ្ងៃព្រហស្បតិ៍៦រោចខែជេស្ឋឆ្នាំជូតទោស័កព.ស.២៥៦៤ត្រូវនឹងថ្ងៃទី១១ខែមិថុនាឆ្នាំ២០២០នេះរដ្ឋបាលក្រុងប៉ោយប៉ែតដឹកនាំដោយលោក គាត ហ៊ុល
អភិបាលនៃគណៈអភិបាលក្រុងប៉ោយប៉ែតនិងស្ថាប័នជំនាញកាំកុងត្រូលនិងកងកម្លាំងមានសមត្ថកិច្ចពាក់ព័ន្ធទាំងអស់ក្នុងក្រុងប៉ោយប៉ែតបានអញ្ជើញចូលរួមរំលែកមរណទុក្ខដ៏សោកសង្រេងជាមួយក្រុមគ្រួសារនៃសពដែលបានបាត់បង់សមាជិកគ្រួសារចំនួន០២នាក់ដោយដើមចមនៃការស្លាប់គឺដោយសារពុលស្រាថ្នាំចិនសែ“តាំងគួយ“។ក្នុងនោះម្ដាយក្មេកបានស្លាប់មុនក្រោយទទួលទានស្រាខាងលើខណៈកំពុងធ្វើបុណ្យសពម្តាយក្មេកកូនប្រសាប្រុសក្នុងវេលាយប់កំដររោងបានទទួលទានស្រាថ្នាំចិនសែ“តាំងគួយ” ក្រោយទទួលទានស្រាថ្នាំនេះរួចបានពុលស្លាប់ម្នាក់ទៀតយ៉ាងអាណោចអាធម្មបំផុត។
ក្នុងឱកាសនោះក្រុមការងាររដ្ឋបាលក្រុងប៉ោយប៉ែតបាននាំយកថវិកាចំនួន៦០០,០០០(ប្រាំមួយសែន) រៀលនិងអង្ករខ្សាយចំនួន១០០គីឡូក្រាមរួមនឹងទឹកត្រីចំនួន២កេសប្រគល់ជូនក្រុមគ្រួសារនៃសពផងដែរ៕ដោយ៖លោកចាន់ពុធ
