ស្វាយរៀង៖រសៀលថ្ងៃសុក្រ០៧រោច ខែជេស្ឋ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១២ ខែមិថុនា ឆ្នា២០២០ លោក ថនថាវុទ្ធា អភិបាលនៃគណៈអភិបាលស្រុកចន្ទ្រា បានដឹកនាំក្រុមការងារស្រុក រួមនឹង គ.ក.ស.ក.ស្រុក យុវជនស.ស.យ.កស្រុកចន្ទ្រា បានចុះសាងសង់ផ្ទះ(សង់អំពីស័ង្កសី)ជូនលោកយាយ ខាំ សាបាន ចាស់ជរាក្រីក្រ នៅភូមិចន្ទ្រា ឃុំចន្ទ្រា ស្រុកចន្ទ្រា ខេត្ដស្វាយរៀង។
ចំពោះការសាងសង់នេះបានការឧបត្ថម្ភគាំទ្រពីព្រះសង្ឃ និងសប្បុរសជននានាតាមរយ: គ.ក.ស.ក ស្រុក សរុបការចំណាយគិតជាថវិកា ចំនួន ២,៣៣៥,០០០រៀល ជាជាមួយនោះ លោកអភិបាលស្រុកក៏បានឧបត្ថម្ភបន្ថែមនូវសម្ភារៈមួយចំនួនរួមមាន អង្ករ ៥០ គីឡូក្រាម មី ០១កេស ត្រីខ ០១យួរ ទឹកស៊ីអ៊ីវ ០១ យួរ ទឹកត្រី ០១យួរ និងថវិកា ១០០.០០០ រៀល ។
បន្ទាប់មក លោក ថន ថាវុទ្ធា អភិបាលនៃគណៈអភិបាលស្រុក ក៏បានដឹកនាំក្រុមការងារទៅចូលរួមបុណ្យសពប្រជាពលរដ្ឋឈ្មោះ កែវ តន់ ភេទ ប្រុស អាយុ ៨៤ ឆ្នាំ នៅក្នុងភូមិសែនត ឃុំចន្រ្ទា ដែលបានស្លាប់ កាលពីថ្ងៃ១១ ខែមិថុនា ឆ្នាំ២០២០ ដោយជរាពាធ ។
សម្ភារៈដែលបាននាំយកទៅចូលរួមបុណ្យសពរួមមាន អង្ករ ៥០ គីឡូក្រាម មី ០១កេស ត្រីខ ០១យួរ ទឹកស៊ីអ៊ីវ ០១ យួរ ទឹកត្រី ០១យួរ និងថវិកា ១០០.០០០ រៀល៕
