ក្រុងប៉ោយប៉ែត ៖ នៅល្ងាច ថ្ងៃសុក្រ ៧ រោច ខែជេស្ឋ ឆ្នាំជូតទោស័ក ពុទ្ធសករាជ ២៥៦៤ត្រូវនឹងថ្ងៃទី១២ ខែមិថុនា ឆ្នាំ២០២០ នេះ លោក គាត ហ៊ុល អភិបាល នៃគណៈអភិបាល ក្រុងប៉ោយប៉ែត គ្រាន់តែទទួល ដំណឹង ថាមានករណី ស្ត្រីម្នាក់ ពរពោះកូនក្នុងផ្ទៃ៣ខែបានទទួលមរណៈភាព ដោយសារដាច់ខ្សែអង្រឹង ស្ថិតក្នុងគ្រួសារ ដែលមានជីវភាពខ្វះខាតខ្លាំង លោក អភិបាលក្រុងប៉ោយប៉ែត បានចាត់តាំងមន្ត្រីរដ្ឋបាលក្រុង នាំយកថវិការ រួមជាគ្រឿងឧបភោគនិងបរិភោគ ចូលរួមរំលែកទុក្ខ ដល់ក្រុមគ្រួសារ សព្វ នៅល្ងាចនោះតែម្ដង ។
សូមជម្រាបថា ស្រ្តីពរពោះដែល ទទួលមរណៈភាព ដោយសាដាច់ខ្សែអង្រឹង មាន ឈ្មោះ អុិន យក់ឡាន ហៅ ( ស្រី ) អាយុ៣៨ឆ្នាំ មានប្ដី និងកូន៣នាក់រាប់ទាំងក្នុងពោះ មានទីលំនៅ ភូមិស្ទឹងបត់ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ ។
អំណោយរួមមាន
១ • ថវិការ ៥០០,០០០ រៀល ( ហាសិបមឺនរៀល )
២ • អង្ករ ចំនួន ៥០គីឡូក្រាម
៣ • ទឹកត្រីចំនួន ១កេះ ។
នៅក្នុងឱកាសនោះ ក្រុមការងារ មន្ត្រីរដ្ឋបាលក្រុង ក៏បានពាំនាំការផ្ដាំផ្ញើរការ សួរសុខទុក្ខ និងចូលរួមរំលែកទុក្ខ ពីសំណាក់ លោក គាត ហ៊ុល អភិបាល នៃគណៈអភិបាលក្រុង ប៉ោយប៉ែត ផងដែរ ព្រមទាំងណែនាំ ដល់ក្រុមគ្រួសារសព្វ សាច់ញាតិ អ្នកជិតខាង អំពីបញ្ហា ស្រាថ្នាំចិនសែ យីហោ “តាំងគួយ” ដែលបណ្ដាលឱ្យពុលមនុស្សស្លាប់ សូមកុំទិញស្រាយីហោខាងលើ ឱ្យអ្នកកំដររោងបុណ្យសព្វ ពិសាជាដាច់ខាត ៕ ដោយ លោកចាន់ពុធ
