ខេត្តកែប ៖ លោកឧត្តមសេនីយ៍ត្រី សម្បត្តិ សុធារដ្ឋ ស្នងការ នៃស្នងការដ្ឋាននគរបាលខេត្តកែប នៅព្រឹកថ្ងៃទី១៩ ខែមិថុនា ឆ្នាំ២០២០ បានដឹកនាំសហការី ចុះសួរសុខទុក្ខ និងនាំយកថវិកា ចំនួន២០០,០០០រៀល, អង្ករ១បាវ(៥០គីឡូ), មី១កេះ, ទឹកដោះគោឆៅ២ឡូ និងទឹកសុទ្ធ៥យួរ ជូនលោកអនុសេនីយ៍ឯក ស៊ូ រុំ នាយផ្នែកការិយាល័យទេសចរណ៍ ដែលជួបគ្រោះថ្នាក់ចរាចរណ៍ កំពុងសំរាកព្យាបាលនៅគេហដ្ឋាន ភូមិដំណាក់ចំបក់ សង្កាត់អូរក្រសារ ក្រុងកែប ដើម្បីជួយសំរួលដោះស្រាយក្នុងការព្យាបាល។
ក្នុងឱកាសនោះដែរ លោកឧត្តមតមសេនីយ៍ បានផ្តាំផ្ញើឱ្យខិតខំយកចិត្តទុកដាក់ព្យាបាល និងជូនពរឱ្យឆាប់ជាសះស្បើយឡើងវិញផងដែរ។ ទន្ទឹមនោះ ក្រុមគ្រួសារមន្ត្រីរងគ្រោះ បានសំដែងការត្រេកអរចំពោះលោកឧត្តមសេនីយ៍ ដែលយកចិត្តទុកដាក់ និងផ្ដល់ភាពកក់ក្ដៅ រវាងថ្នាក់នាំ ចំពោះមន្ត្រីថ្នាក់ក្រោម។
ជាមួយគ្នានោះដែរ ក្រុមគ្រួសារជនរងគ្រោះ បានគោរពថ្លែងអំណរអគុណចំពោះលោកស្នងការ និងសហការីរួមដំណើរ ដែលបានចំណាយពេលវេលា ថវិកា និងសម្ភារៈ អញ្ជើញមកសួរសុខទុក្ខដល់គេហដ្ឋាន និងសូមជូនពរឱ្យជួបនូវ ពុទ្ធិពរ៤ប្រការ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ និងបានជោគជ័យគ្រប់ភារកិច្ចផងដែរ៕
