ភ្នំពេញ៖ កម្លាំងប៉ុស្តិ៍នគរបាលរដ្ឋបាលឃ្មួញ ធ្វើការឃាត់ខ្លួនជនសង្ស័យម្នាក់ ករណីរក្សាទុក
ដោយខុសច្បាប់នូវសារធាតុញៀនព្រមទាំងដកហូតបានក្រាមសថ្លាចំនួន២៨កូនថងតូច សង្ស័យជាគ្រឿងញៀន។
កាលពីវេលាម៉ោង១៦ និង០០នាទីរសៀលថ្ងៃទី២៥ មិថុនា២០២០ នៅចំណុចសហគមន៍ភូមិសែនសុខទី៥សង្កាត់ឃ្មួញ ខណ្ឌសែនសុខ ។
ជនសង្ស័យឈ្មោះ ឡុង វណ្ណា អាយុ១៩ឆ្នាំស្នាក់នៅភូមិសែនសុខ៧សង្កាត់ឃ្មួញ ខណ្ឌសែនសុខ ។
លោកវរសេនីយ៍ត្រី ញាណ នន នាយប៉ុស្តិ៍នគរបាលរដ្ឋបាលឃ្មួញបានឲ្យដឹងថាមុនចុះបង្ក្រាបទីតាំងខាងលើក្រោយពីមានប្រជាពលដ្ឋល្អរាយការណ៍មក ថាគោលដៅខាងលើមានក្រុមជនសង្ស័យកំពុងប្រមូលលក់គ្រឿងញៀនក៍សុំគោលការណ៍ទៅ
លោកអធិការខណ្ឌចុះបង្ក្រាបជាក់ស្តែងឃាត់បានជនសង្ស័យម្នាក់ព្រមទាំងដកហូតបានក្រាមសថ្លាចំនួន២៨កូនថងតូច សង្ស័យជាគ្រឿងញៀនផង។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
