ខេត្តកំពង់ចាម៖ នារសៀលថ្ងៃទី២៥ ខែមិថុនា ឆ្នាំ២០២០ លោក ឧត្តមសេនីយ៍ទោ ឯម កុសលស្នងការនគរបាលខេត្តកំពង់ចាម បានដឹកនាំកិច្ចប្រជុំផ្សព្វផ្សាយផែនការ ទិសដៅសំខាន់ៗ ដែលទទួលបានពីអគ្គស្នងការនគរបាលជាតិ និងត្រួតពិនិត្យការងារជំនាញ ក្នុងឆមាសទី១ ឆ្នាំ២០២០ នៃអធិការដ្ឋាននគរបាលស្រុកកោះសូទិន។
ពិធីនេះ ប្រព្រឹត្តទៅនៅសាលប្រជុំរបស់អធិការដ្ឋាននគរបាលស្រុកកោះសូទិន ដោយមានការចូលរួមពី លោកស្នងការរងទទួលដឹកនាំអធិការដ្ឋាននគរបាលស្រុកកោះសូទិន,លោកនាយការិល័យបុគ្គលិក,លោកនាយការិយាល័យព្រហ្មទណ្ឌកម្រិតស្រាល, លោកនាយការិយាល័យនគរបាលប្រឆាំងគ្រឿងញៀន, លោកនាយការិយាល័យផ្សព្វផ្សាយអប់រំ, លោកស្រីការិយាល័យប្រឆាំងការជួញដូរមនុស្ស និងការពារអនីតិជន,លោកនាយការិយាល័យសន្តិសុខ, លោកអធិការ អធិការរង លោកនាយ នាយរងផ្នែក លោកនាយប៉ុស្តិ៍នគរបាលរដ្ឋបាលទាំង៨ នៃអធិការដ្ឋាននគរបាលស្រុកកោះសូទិន សរុបអ្នកចូលរួមមានចំនួន ៥៣នាក់៕
