ខេត្តឧត្តរមានជ័យ៖ ជម្លោះដីធ្លីរវៀងអ្នកស្រីស៊្រុន ឈាងលីម ប្អូនបង្កើតលោកឧកញ៉ាស្រ៊ុន ម៉េងលាង និងពលរដ្ឋឈ្មោះគីម ហ័ងរហូតឈានដល់យកត្រាក់ទ័រផ្ជួរផ្តាច់ផ្លូវលំមួយខ្សែរស្ថិតនៅភូមិច្រោក ឃុំផ្អាវ ស្រុកត្រពាំងប្រាសាទ កាលថ្ងៃទី២៣ ខែមិថុនាឆ្នាំ២០២០ តាមប្រភពពីអ្នកស្រីស៊្រុន ឈានលីមបានអោយដឹងថា មូលហេតុដែលលោកស្រីយកត្រាក់ទ័រផ្ជួរផ្តាច់ ពីព្រោះមិនចង់គេដឹងសម្ភារះគ្រឿងសំណង់ចូលទៅធ្វើរបង លើដីដែលមានជម្លោះ ហើយលោកស្រីបានបន្ថែមទៀតថា រឿងដែលអ្នកសារព័ត៌មានមួយក្តាប់តូច ចោទថាលោកស្រីយកត្រាក់ទ័រផ្ជួរផ្តាច់ដោយមិនអោយពលរដ្ឋផ្សេងទៀតឆ្លងកាត់ទៅស្រែចំការរបស់ពួកគាត់នោះមិនពិតទេ ហើយបច្ចុប្បន្នថ្ងៃទី២៥ម្សិលមិញ ផ្លូវលំនេះត្រូវបានតភ្ជាប់អោយប្រើប្រាស់ធម្មតាវិញក្រោយពីមានការអន្តរាគមន៍ពីលោកនៅ សំដារ៉ារិទ្ធ អភិបាលស្រុកត្រពាំងប្រាសាទ។
បើតាមអោយដឹងពីលោកអភិបាល ស្រុកបានបញ្ជាក់ថាវិវាទដីធ្លីនៅទីតាំងខាងលើនេះផុតពីដែនសមត្ថកិច្ច្ចរបស់លោកហើយព្រោះសំណុំរឿងមួយនេះបានចូលដល់ប្រព័ន្ធតុលាការហើយដែរ។
គូសបញ្ជាក់ថាដីទំនាស់ខាងលើនេះមានចំនួនជាងមួយរយហិចតា(ជាង១០០ហិចតា)និងត្រូវបានដោះស្រាយបញ្ចប់តាំងពីឆ្នាំ២០១៤មកម្លេះដោយភាគីទាំងសងយល់ព្រមទទួលយកនិងមានកិច្ចសន្យាត្រឹមត្រូវដល់ថ្នាក់ស្រុកតែមិនដឹងយ៉ាងមិចមកដល់ឆ្នាំ២០១៩និង២០២០នេះភាគីឈ្មោះស្រ៊ុន ឈាងលីមមិនគោរពកិច្ចសន្យានិងទាមទារយកដីនោះទាំងអស់តែម្តង៕
