ភ្នំពេញ ៖ ជនសង្ស័យ០៤នាក់ ក្នុងករណីប្រើប្រាស់នូវសារធាតុញៀន ត្រូវកម្លាំងនគរបាលប៉ុស្តិ៍ឃ្មួញស្រាវជ្រាវឃាត់ខ្លួនបានជាបន្តបន្ទាប់។
ការឃាត់ខ្លួនជនសង្ស័យទាំង០៤នាក់ខាងលើនេះ នាវេលាម៉ោង០៧និង៣០នាទី ថ្ងៃទី២៥ ខែមិថុនា ឆ្នាំ២០២០ នៅចំណុតាមផ្លូវបេតុង ភូមិសែនសុខ៥ សង្កាត់ឃ្មួញ ខណ្ឌសែនសុខ។
សមត្ថកិច្ចបានឲ្យដឹងថា ជនសង្ស័យទាំង០៤នាក់ ទី១. ឈ្មោះ ទ្រី ភារុណ ភេទប្រុស អាយុ២២ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួល ភូមិសែនសុខ៥ សង្កាត់ឃ្មួញ ខណ្ឌសែនសុខ, ទី២. ឈ្មោះ ម៉ា បូរី ភេទប្រុស អាយុ១៩ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួល ភូមិសែនសុខ៥ សង្កាត់ឃ្មួញ ខណ្ឌសែនសុខ, ទី៣. ឈ្មោះ អុល ផាន់ណៃ ភេទប្រុស អាយុ២៣ឆ្នាំ ជនជាតិខ្មែរ មុខរបរកម្មករសំណង់ ស្នាក់នៅផ្ទះគ្មានលេខ ភូមិអន្លង់ក្ងាន សង្កាត់ឃ្មួញ ខណ្ឌសែនសុខ, ទី៤. ឈ្មោះ ចាន់ មករា ភេទប្រុស អាយុ២០ឆ្នាំ ជនជាតិខ្មែរ មុខរបរគ្មាន ស្នាក់នៅផ្ទះគ្មានលេខ ភូមិអន្លង់ក្ងាន សង្កាត់ឃ្មួញ ខណ្ឌសែនសុខ (ពិនិត្យទឹកនោម)។
បច្ចុប្បន្ន ជនសង្ស័យទាំង០៤នាក់ កំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី៕
