ភ្នំពេញ៖ បន្ទាប់ពីទទួលបានដំណឹងថា មានទីតាំងអាជីវកម្មខារ៉ាអូខេ KTV លួចបើកដំណើរការឡើង វិញក្នុងទឹកដីសង្កាត់ស្ទឹងមានជ័យ៣ជាច្រើនកន្លែង លោក ម៉េង វិមានតារា អធិការខណ្ឌមានជ័យ បញ្ជាឲ្យលោក ឯម ភារី នាយប៉ុស្ដិ៍នគរបាលស្ទឹងមានជ័យទី នៅយប់ថ្ងៃទី២៥ ខែមិថុនា ឆ្នាំ២០២០ ចុះអនុវត្តតាមការណែនាំរបស់ក្រសួងសុខាភិបាល ខណៈដែលជម្ងឺរាតត្បាត(កូវីត១៩)មិនទាន់ស្ងប់ស្ងាត់ទៅវិញ ។
សូមជម្រាបថា ការហាមឃាត់ទៅលើម្ចាស់អាជីវកម្មមួយចំនួនដូចជា ភ្លឹបកំសាន្ត ខារ៉ាអូខេ រង្គសាល នេះគឺដោយសារជំងឺ covid-19 ដែលជាជំងឺដ៏កាចសាហាវបំផុតដែលកំពុងតែរាតត្បាតពេញសកលលោក ។
ហេតុដូច្នេះហើយប្រមុខរាជរដ្ឋាភិបាលមានការយកចិត្តទុកដាក់ចំពោះប្រជាពលរដ្ឋ សូមឱ្យអ្នក ប្រកបអាជីវកម្មរកស៊ីមួយចំនួនមេត្តាផ្អាកជាបណ្ដោះអាសន្នសិនរងចាំសេចក្តីប្រកាសពីក្រសួងសុខាភិបាលជាអ្នកសម្រេចប្រកាសអោយបើកដំណើរការឡើងវិញ ។
លោក ឯម ភារី នាយប៉ុស្តិ៍ស្ទឹងមានជ័យទី៣ បានប្រាប់អោយដឹងទៀតថា ខារ៉ាអូខេ ក្នុងមូលដ្ឋានរបស់លោក មិនមានការបើកដំណើរការទេ តែទីតាំងខារ៉ាអូខេខ្លះ គឺបុគ្គលិកនារីៗធ្វើការគាត់សូមថៅកែស្នាក់នៅទីនោះ រួចពេលខ្លះពួកគាត់មកអង្គុយជួបជុំគ្នានៅមុខហាង ទើបមានការយល់ច្រឡំថាបើកឡើងវិញ រីឯម្ចាស់ហាងទាំងលោកបានធ្វើកិច្ចសន្យារួចហើយ បើសិនជាមានបើកអាជីវកម្មនិងទីតាំងនោះត្រូវបិទទ្វាហើយត្រូវប្រឈមុខចំពោះច្បាប់ផងដែរ៕
