សៀមរាប ៖ ប្រជាពរដ្ឋដែលនិយមលេងល្បែងស៊ីសង (ចាក់កន្ទុយលេខឆ្នោតវៀតណាម) បានប្រាប់តៗគ្នាថា បើបងប្អូនយើងចង់ចាក់កន្ទុយលេខឆ្នោតវៀតណាម សូមនាំគ្នាទៅចាក់នៅទីតាំងពីរកន្លែងដ៍ធំគឺទី១.ជ្រកក្រោមស្លាកយីហោ(Wing ឃុន តៃវ៉ាន់) ទី២.ជ្រកក្រោមស្លាក យីហោ (Emoney អុឹង សុផាន់ណាក់)។
ទីតាំងទាំង២កន្លែងនេះនៅក្នុងផ្សារខ្នារ សង្កាត់ជ្រាវ ក្រុងសៀមរាប ខេត្តសៀមរាប ហេីយទីតាំងហ្នឹងគេបើកលេងធំណាស់ គ្មានសមត្ថកិច្ច ឬអាជ្ញាធរណា ហ៊ានចុះទៅបង្ក្រាបនោះឡើយ។
ប្រជាពលរដ្ឋដែលរស់នៅក្បែកន្លែងកត់ឆ្នោតវៀតណាមនោះ បានលើកឡើងថា មូលហេតុដែលសមត្ថកិច្ច និងអាជ្ញាធរ មិនហ៊ានចុះទៅបង្ក្រាបនោះ គឺពួកគាត់សង្ស័យថា ប្រហែលជាម្ចាស់ទីតាំង សមត្ថកិច្ចនឹងអាជ្ញាធរអាចត្រូវរ៉ូវគ្នា ឬក៍ទទួលបានលាភសការៈអ្វីមួយហើយ ទើបគ្មានការចុះបង្ក្រាបបែបនេះ ។
បើទោះបីកន្លងមកសម្ដេចក្រឡាហោមស ខេង បានបញ្ជារឲ្យអាជ្ញធរ នឹងសមត្ថកិច្ចទូទាំងខេត្ដ ក្រុង ត្រូវតែចុះបង្ក្រាបបទល្មើសល្បែងស៊ីសងខុសច្បាប់ផ្សេងៗ ក្នុងមូលដ្ឋានរបស់ខ្លួនឲ្យអស់ ព្រោះថា ដោយសារតែល្បែស៊ីសងទាំងនេះហើយ ដែលនាំឲ្យកើតបទល្មើស លួច ឆក់ ប្លន់ អំពើហិង្សារក្នុងគ្រួសារ។ល។
ប៉ុន្តែផ្ទុយទៅវិញ គេសង្កេតឃើញថា ម្ចាស់ទីតាំងរកស៊ីខុសច្បាប់កត់ឆ្នោតវៀតណាមដ៏ធំនេះ ហាក់ដូចជាកំពុងតែផ្គើននឹងបទបញ្ជា ខណៈទីតាំងនេះកំពុងតែសប្បាយកើបលុយ និងបើកលេងយ៉ាងរលូននៅក្នុងសង្កាត់ជ្រាវ ក្រុងសៀមរាប ខេត្តសៀមរាប(ផ្សារខ្នារ) ហើយគ្មានអាជ្ញធរ ឬសមត្ថកិច្ចណាចុះទៅបង្ក្រាបនោះទេ។
ដូច្នេះហើយ ប្រជាពលរដ្ឋសូមសំណូមពរដល់ឯកឧត្ដម ទៀ សីហា អភិបាល នៃគណៈអភិបាលខេត្ដសៀមរាប លោក ស្នងកាខេត្ដនឹងលោកអធិការក្រុងសៀមរាប មេត្តាចាត់មន្ត្រីនគរបាលឲ្យចុះទៅពិនិត្យ នឹងមានវិធានការបង្ក្រាបផង ៕
