ភ្នំពេញ៖ ប្រុសស្រី ៣នាក់ត្រូវបានកម្លាំងនគរខណ្ឌសែនសុខធ្វើការឃាត់ខ្លួនជាបន្តបន្ទាប់ ដោយពាក់ព័ន្ធប្រើប្រាស់គ្រឿងញៀន។កាលពីវេលសម៉ោង ២និង០០នាទីទាបភ្លឺ ថ្ងៃទី០៨ កក្កដា២០២០ នៅចំណុចផ្លូវ១០១៩ ភូមិ បន្លាស្អិត សង្កាត់ឃ្មួញ ខណ្ឌសែនសុខ ។
ជនសង្ស័យទី១ឈ្មោះឆែម ដាវុធ អាយុ៤១ឆ្នាំ មុខរបរកម្មករសំណង់ស្នាក់នៅបន្ទប់ជួលភូមិសែនសុខ១សង្កាត់ឃ្មួញខណ្ឌសែនសុខ។ទី២ឈ្មោះ ប្រុស ពៅ អាយុ២៨ឆ្នាំ មុខរបរកម្មករសំណង់ស្នាក់នៅបន្ទប់ជួលភូមិសែនសុខ១សង្កាត់ឃ្មួញខណ្ឌសែនសុខ ។(ចំណុចផ្លូវ១០១៩ ភូមិ បន្លាស្អិត សង្កាត់ឃ្មួញ ខណ្ឌសែនសុខពិនិត្យទឹកនោម) ។
ទី៣ឈ្មោះ គង់ ស្រីល័ក្ខ ភេទស្រីអាយុ ៣១ឆ្នាំ មុខរបរមិនពិតប្រាកដស្នាក់នៅបន្ទប់ជួល ភូមិអ័រគីដេ សង្កាត់ អូរបែកក្អម ខណ្ឌសែនសុខ។(ឃាត់នៅចំណុចផ្លូវបេតុងភូមិអ័រគីដេ សង្កាត់ អូរបែកក្អម ខណ្ឌសែនសុខពិនិត្យទឹកនោម)។
សមត្ថកិច្ចឲ្យដឹងថា មុនពេលឃាត់ខ្លួនជនសង្ស័យខាងលើ ខណះកម្លាំងនគរបាល ប៉ុស្តិ៍ ធ្វើការល្បាតក្នុងភូមិសាស្ត្រដល់ចំណុចកើតហេតុខាងលើឃើញជនសង្ស័យកំពុង ដើរ ដោយមានការសង្ស័យកម្លាំងល្បាតយើង ធ្វើការត្រួតពិនិត្យ រួចនាំខ្លួនជនសង្ស័យយកមកធ្វើការសាកសួរ ត្រួតពិនិត្យទឹកនោមរកសារធាតុញៀន នៅអធិការដ្ឋាននគរបាលខណ្ឌសែនសុខឃើញថាទាំង៣នាក់ក្នុងទឹកនោមមានផ្ទុកសារធាតុញៀនក៍ឃាត់ខ្លួនតែម្តង ។
បច្ចុប្បន្នជនសង្ស័យកំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
