ខេត្តកែប ៖ នៅព្រឹកថ្ងៃទី១៤ ខែកក្កដា ឆ្នាំ២០២០ លោកឧត្តមសេនីយ៍ត្រី សម្បត្តិ សុធារដ្ឋ ស្នងការនគរបាលខេត្តកែប បានដឹកនាំ មន្ត្រីកងកម្លាំងនគរបាលខេត្ត មានលោក លោកស្រីឧត្តមសេនីយ៍ វរសេនីយ៍ ជាស្នងការរង នាយ-នាយរងការិយាល័យ និងមន្ត្រី អញ្ជើញចូលរួមរំលែកទុក្ខជាមួយក្រុមគ្រួសារសព និងគោរពវិញ្ញាណក្ខន្ធ សពម្តាយរបស់លោកវរសេនីយ៍ឯក ហ៊ឹម ហូវ ស្នងការរង ផែនការងារអាវុធគ្រឿង និងអគ្គិភ័យ នៃស្នងការដ្ឋាននគរបាលខេត្តកែប ដែលបានទទួលមរណៈភាពដោយជំងឺនៅគេហដ្ឋានសព ភូមិកណ្តាល ឃុំកោះតូច ស្រុកទឹកឈូ ខេត្តកំពត។
ក្នុងនាឱកាសដ៏ក្រៀមក្រំនេះលោកឧត្តមសេនីយ៍ ស្នងការ បានថ្លែងថា: ក្នុងនាមថ្នាក់ដឹកនាំ កងកម្លាំងនគរបាលខេត្តកែបទាំងអស់ និងក្នុងនាមលោកផ្ទាល់ សូមសំដែងនូវមរណ:ទុក្ខយ៉ាងក្រៀមក្រំ ជាមួយក្រុមគ្រួសារសព ជាមួយគ្នានោះដែរ លោកឧត្តមសេនីយ៍ ស្នងការ ស្នងការរង នាយ-នាយរង បានគោរពវិញ្ញាណក្ខន្ធ សពផងដែរ។
ទន្ទឹមនោះលោកស្នងការ បានចូលរួមបច្ច័យដែលបានមកពីការចូលរួមពីមន្ត្រី
កងកម្លាំងនគរបាលខេត្ត ចំនួន1,750,000រៀល និងថវិកាលោកឧត្តមសេនីយ៍ ស្នងការផ្ទាល់ ចំនួន400,000រៀល ផងដែរ។
ដោយឡែកក្រោយបញ្ចប់ពិធីខាងលើ លោកឧត្តមសេនីយ៍ ស្នងការ បានចាត់តំណាងដឹកនាំសហការី អញ្ជើញចុះសួរសុខទុក្ខ លោក ព្រុំ គន្ធិ ដែលសំរាកព្យាបាលជំងឺ នៅគេហដ្ឋាន ស្ថិតនៅឃុំជុំគ្រៀល ស្រុកទឹកឈូ ខេត្តកំពត ៕
