ក្រុងប៉ោយប៉ែត ៖ ក្រោមការចង្អុល បង្ហាញ របស់ លោក គាត ហ៊ុល អភិបាល នៃគណៈអភិបាល ក្រុងប៉ោយប៉ែត នៅថ្ងៃអាទិត្យ ១៤ រោច ខែអាសាឍ ឆ្នាំជូតទោស័ក ពុទ្ធសករាជ ២៥៦៤ ត្រូវនឹងថ្ងៃទី១៩ ខែកក្កដា ឆ្នាំ២០២០ នេះ លោក តាន់ គឹមរិទ្ធ ក្នុង ជាម្ចាស់ទីតាំងដី រួមដំណើរ ជាមួយ លោក ម៉ក់ រតនា អនុប្រធានការិយាល័យសាធារណការ ដឹកជញ្ជូន អនាម័យ បរិស្ថាន និងសណ្តាប់ធ្នាប់សាធារណៈក្រុង • លោក លោក វ៉ា ជឹមណារ៉េត ចៅសង្កាត់រងទី១ នៃសង្កាត់ប៉ោយប៉ែត • លោក ប៊ុន សុវុទ្ធា សមាជិកក្រុមប្រឹក្សាសង្កាត់ប៉ោយប៉ែត • លោក សន មុន្នី មេភូមិមិត្ត ភាព និងក្រុមការងារ បានដឹកនាំគ្រឿងចក្រ ចុះកាយ រៀបចំប្រព័ន្ធលូបង្ហូរ ទឹក ចំណុចជិតស្រះបេះដូង ទើបបន្ត ការ កៀរកិនគ្រឹះ ដើម្បីចាក់បេតុង ផ្លូវ វបេតុង ប្រវែងសរុប ២២៥ ម៉ែត្រ ទទឹង៨ ម៉ែត្រជ កម្រាស់ ០,១៥ ម៉ែត្រ ជាផ្លូវសហព័ន្ធ រវៀងសង្កាត់ប៉ោយប៉ែត និងសង្កាត់ផ្សារកណ្ដាល ព្រំប្រទល់ ភូមិមិត្តភាព និងភូមិប្រជាធម្មលិច ជាគម្រោងមូលនិធិ សង្កាត់ទាំង២ ក្នុងឆ្នាំ ២០២០ ។
សូមបញ្ជាក់ថា នៅព្រឹកនេះ ក្រុមការងារ អាជ្ញាធរសង្កាត់ប៉ោយប៉ែត បានដឹកនាំក្រុមការងារ ចុះកាយដាក់ប្រព័ន្ធលូ ប្រវែង ៥៦ម៉ែត្រ មុខ១ម៉ែតខាងក្នុង ក្នុងនាមជាប្រជាពលរដ្ឋ និង ជាម្ចាស់ក្បាលដីមុខ ទីតាំង ឯកជន លោក តាន់ គឹមរិទ្ធ បានចូលរួម ជាមួយអាជ្ញាធរ ក្រុងប៉ោយប៉ែត ដោយ ចំណាយ ក្នុងការ កសាង ប្រព័ន្ធលូ បង្ហូរទឹក នេះទាំងស្រុង សម្រាប់ មុខ ដីផ្ទាល់ខ្លួនរបស់ លោក ។
ជាមួយគ្នានេះ លោក តាន់ គឹមរិទ្ធ និង លោក វ៉ា ជឹមណារ៉េត ចៅសង្កាត់រងទី១ នៃសង្កាត់ប៉ោយប៉ែត ក៏បាន
អំពាវនាវ ដល់បងប្អូន ប្រជាពលរដ្ឋ ដែលមានដី និង រស់នៅ តាមសងខាងផ្លូវ កំពុង សាងសង់ ស្ថាបនា ផ្លូវបេតុង នេះ រាល់ការចំណាយ ជា ថវិការ គម្រោងមូលនិធិសង្កាត់ផ្សារកណ្ដាល និងសង្កាត់ប៉ោយប៉ែត ឆ្នាំ ២០២០ សម្រាប់ការចំណាយ ស្ថាបនា ប្រព័ន្ធលូ ចំមុខទីតាំងដី សូមបងប្អូនជាម្ចាស់ មានការយោគយល់ ចូលរួមសហការ ដើម្បី ការអភិវឌ្ឍន៍ ភូមិដ្ឋាន យើង ទាំងអស់គ្នា ។ ដោយ ចាន់ពុធ
