បាត់ដំបង៖ប្រជាពលរដ្ឋម្នាក់ឈ្មោះប៊ូ ម៉ៅ ភេទប្រុស មានទីលំនៅក្នុងភូមិស្រឡៅជុំ ឃុំសេរីមានជ័យ ស្រុកសំពៅលូន បានដើររកជីកទំពាំងតាមមាត់អូរព្រំដែនកម្ពុជា-ថៃ ប្រទះឃើញគ្រាប់កាំភ្លើងប្រភេទ K-477 ផលិតនៅប្រទេសចិន ចំនួន១៩០០គ្រាប់។
យោងតាមប្រភពព័ត៌មានបានអោយដឹងថា៖គ្រាប់ទាំងអស់នោះនៅសល់កាលពីសម័យសង្គ្រាម គប់ក្នុងដីយូរឆ្នាំខូចគុណភាពអស់ហើយ។
ក្រោយពីកម្លាំងនគរបាលប៉ុស្តិ៍រដ្ឋបាលសេរីមានជ័យទទួលបានដំណឹងនេះភ្លាមកម្លាំងនគរបាលចុះទៅប្រមូលយកទៅរក្សាទុកនៅអធិការដ្ឋាននគរបាលស្រុកសំពៅលូន។
សូមបញ្ជាក់ថាគ្រាប់យុទ្ធភណ្ឌដែលប្រជាពលរដ្ឋប្រទះឃើញនោះកាលពីវេលាម៉ោង១និង៣០នាទីរសៀល ថ្ងៃទី២១ ខែកក្កដា ឆ្នាំ២០២០ ស្ថិតនៅចំណុចឃុំសេរីមានជ័យ ស្រុកសំពៅលូន ខេត្តបាត់ដំបង៕
