ខេត្តកណ្តាល៖រថយន្តមួយគ្រឿងប្រភេទតទ្រង់ដឹកជ្រូកបើកបរក្នុងល្បឿនលឿនមិនប្រយ័ត្នបណ្ដាលឱ្យទៅបុកផ្ទះប្រជាពលរដ្ឋបង្កឲ្យស្រីម្នាក់ភ័យខ្លាចគាំបេះដូងស្លាប់ហេតុការណ៍នេះនៅថ្ងៃ ពុធ ០៩កើត ខែ ស្រាពណ័ ឆ្នាំ ជូតទោស័ក ព.ស ២៥៦៤ត្រូវនឹងថ្ងៃទី២៩ខែកក្កដា ឆ្នាំ២០២០ វេលាម៉ោង ២៤នឹង៤៥នាទីលើចំណុចផ្លូវលេខ១១៦A ចំនុចភូមិស្រែអំពិល ឃុំឈើទាល ស្រុកកៀនស្វាយ ខេត្តកណ្តាល ។
ករណីកើតហេតុខាងលើនេះមាន រថយន្តមួយគ្រឿងម៉ាក់ ហានដាយ ប្រភេទតទ្រុងដឹកជ្រូក ពណ័សរ ពាក់ស្លាកលេខ កណ្តាល 3A.2159 បើកបរដោយដោយជនមិនស្គាល់អត្តសញ្ញាណបានរត់គេចពីកន្លែងកើតហេតុរួមដំណើរជាមួយ ព្រូឡានម្នាក់ឈ្មោះ ឆេង ឆាយលី ភេទប្រុស អាយុ ២៩ឆ្នាំ ជនជាតិ ខ្មែរ មានទីលំនៅ ភូមិ សែនភាស ឃុំ ទ្រា ស្រុកសំរោង ខេត្ត តាកែវ មុខរបរ កម្មករលើកជ្រូកនឹង ឈ្មោះ ឃុន បូរ៉ា ភេទ ប្រុស អាយុ ៣១ឆ្នាំ ជនជាតិ ខ្មែរ មុខរបរ មេការមើលកម្មករលើកជ្រូកនឹងឈ្មោះ សៀម សារិទ្ធ ភេទ ប្រុស អាយុ ២៥ ឆ្នាំ ជនជាតិ ខ្មែរ មុខរបរ កម្មករលើកជ្រូក អ្នកទី០២នឹងទី០៣ មានទីលំនៅភូមិកោះធំខ ឃុំ ពោធិបាន ស្រុកកោះធំ ខេត្តកណ្តាល។
បើកបរទិសដៅ ពីកើតមកលិច ពេលមកដល់ចំណុចកើតហេតុក៏បានជ្រុលចង្កូត ទៅបុកផ្ទះប្រជាពលរដ្ឋ បណ្តាលអោយម្ចាស់ផ្ទះ ឈ្មោះ ជា អៀក ភេទ ស្រី អាយុ ៥៤ឆ្នាំ ជនជាតិខ្មែរ មានទីលំនៅភូមិឃុំកើតហេតុ ភ័យរហូតគាំងបេះដូងស្លាប់។
ចំណែកសពត្រូវបានសមត្ថកិច្ចប្រគល់ជូនក្រុមគ្រួសារធ្វើបុណ្យតាមប្រពៃណីរីឯរថយន្តបង្ករត្រូវបានកម្លាំងនៅអធិការស្រុកកៀនស្វាយយកមករក្សារទុកធ្វើជាវត្ថុតាងដើម្បីដោះស្រាយតាមនីតិវិធីច្បាប់៕
